മാന്നാര്‍: പൊതുവഴിയില്‍ യുവതിയെ തടഞ്ഞ് നിര്‍ത്തി ബലംപ്രയോഗിച്ച് ചുംബിച്ച യുവാവ് പിടിയിൽ. സ്വകാര്യ കടയില്‍ സെയില്‍സ്മാനായ ഓച്ചിറ പായിക്കുഴി തോണ്ടുകണ്ടത്തില്‍ ഇന്‍സാഫിനെ (24) ആണ് മാന്നാര്‍ പൊലീസ് അറസ്റ്റ് ചെയ്തത്.ഇന്ന് പകല്‍ 12ന് തൃക്കുരട്ടി ക്ഷേത്രത്തിന് കിഴക്ക് വശത്തായിരുന്നു സംഭവം.
കംമ്പ്യൂട്ടര്‍ പഠനം കഴിഞ്ഞെത്തിയ യുവതിയോട് ഇയാള്‍ പ്രേമാഭ്യര്‍ഥന നടത്തിയപ്പോൾ യുവതി നിരസിച്ചു. ഇതില്‍ പ്രകോപിതനായ യുവാവ് പെണ്‍കുട്ടിയെ കടന്ന് പിടിക്കുകയും ചുംബിക്കുകയുമായിരുന്നു. തുടർന്ന് അമ്മ നല്‍കിയ പരാതിയുടെ അടിസ്ഥാനത്തിൽ ഇയാൾ പിടിയിലാകുകയായിരുന്നു. പട്ടികജാതി ആക്ട് അനുസരിച്ച് കേസെടുത്ത പ്രതിയെ ചെങ്ങന്നൂര്‍ ഒന്നാം ക്ലാസ് മജിസ്‌ട്രേറ്റ് കോടതിയില്‍ ഹാജരാക്കി.
Post Your Comments