ലോകത്തെ ഞെട്ടിച്ച് വജ്രകല്ലുകള്‍ പതിച്ച് വെട്ടിതിളങ്ങുന്ന എമിറേറ്റ്സിന്റെ ആഡംബര വിമാനം : വിശദീകരണവുമായി എമിറേറ്റ്‌സ് അധികൃതര്‍ രംഗത്ത്
ദുബായ് : ലോകത്തെ ഞെട്ടിച്ച് വജ്രകല്ലുകള്‍ പതിച്ച് വെട്ടിതിളങ്ങുന്ന എമിറേറ്റ്സിന്റെ ആഡംബര വിമാനം. ഈ വിമാനമാണ് ഇപ്പോള്‍ ഏറെ ചര്‍ച്ച ചെയ്യുന്നത്. വജ്രക്കല്ലുകള്‍ പതിച്ച വിമാനം ബ്ലിങ് 777 സോഷ്യല്‍ മീഡിയ വഴി വൈറലാകുകയും ചെയ്തു.
ലോകത്തെയാകെ ഈ ചിത്രം അമ്പരപ്പിച്ചു കഴിഞ്ഞു. ആഢംബരത്തിനായി എമറേറ്റ്‌സ് ഇങ്ങനെയെല്ലാം ചെയ്യുമോ എന്നുപോലും പലരും ചിന്തിച്ചു. എന്നാല്‍ ഏവരുടെയും സംശയങ്ങള്‍ക്ക് വിരാമമിട്ടുകൊണ്ട് ചിത്രത്തെക്കുറിച്ച് വിശദികരണവുമായി എമറേറ്റ്‌സ് തന്നെ രംഗത്തെത്തി.
ട്വിറ്റര്‍ പേജിലൂടെ പങ്കുവച്ച വജ്രക്കലുകള്‍ തിളങ്ങുന്ന എമറേറ്റ്‌സ് ബ്ലിങ് 777 എന്ന വിമാനം സാറ ഷക്കീല്‍ എന്ന ചിത്രകാരിയുടെ കരവിരുതാണ് എന്നതാണ് വാസ്തവം. സാറ ഷക്കില്‍ തന്റെ ഇന്‍സ്റ്റഗ്രാമിലൂടെ പുറത്തുവിട്ട ചിത്രമാണിത്. ചിത്രം 54,000ത്തോളം ലൈക്കുകള്‍ സ്വന്തമാക്കിയതോടെ പിന്നീട് എമറേറ്റ്‌സ് ചിത്രം തങ്ങളുടെ ട്വിറ്റര്‍ വഴി പങ്കുവക്കുകയായിരുന്നു.
4000ത്തിലധികം ആളുകള്‍ എമറേറ്റ്‌സിന്റെ ട്വീറ്റ് റീട്വീറ്റ് ചെയ്തതോടെ ചിത്രം വൈറലായി മാറികയായിരുന്നു. ഇതോടെ വിമാനത്തിന്റെ ചിത്രം വലിയ ചര്‍ച്ചാ വിഷയമായി. പലരും ഇത്തരം ഒരു വിമാനം ഉണ്ടെന്നുതന്നെ വിശ്വസിച്ചു. ഇതോടെയാണ് ട്വിറ്ററിലൂടെതന്നെ വിശദീകരണവുമായി എമറേറ്റ്‌സ് രംഗത്തെത്തിയത്.
Post Your Comments