കണ്ണൂര്‍ : യുഡിഎഫിനും ബിജെപിയ്ക്കും എതിരെ പരിഹാസവാക്കുകളുമായി ഇ.പി.ജയരാജന്‍. ശബരിമല വിഷയത്തില്‍ ഒരേ നിലപാടിലാണ് കോണ്‍ഗ്രസും ബിജെപിയും . ശബരിമല വിഷയത്തില്‍ നാലാം ദിവസവും നിയമസഭ തടസപ്പെട്ടു. ഇതിനെ പരിഹസിച്ചാണ് മന്ത്രി ഇപി ജയരാജന്‍ രംഗത്തെത്തിയത്.
ശബരിമല വിഷയത്തില്‍ അകത്ത് സത്യാഗ്രഹം. പുറത്ത് നിരാഹാര സത്യാഗ്രഹം…അവിടെ പാലുകാച്ചല്‍ ഇവിടെ താലികെട്ട്. ഒടുവില്‍ ആശുപത്രിയില്‍ വെച്ച് തയ്യല്‍ക്കാരനും സുമതിയും ഒന്നാവുകയാണ് സുഹൃത്തുക്കളെ ഒന്നാവുകയാണ്…
സഭ ബഹിഷ്‌കരിച്ച് രാധാകൃഷ്ണന്‍ ജിയുടെ നിരാഹാര സത്യാഗ്രഹത്തില്‍ പങ്കെടുക്കാന്‍ രാജഗോപാല്‍ജിക്ക് അവസരമൊരുക്കിയ രമേശ്ജിക്ക് നല്ല നമസ്‌കാരം.. ഇപിയുടെ ട്രോള്‍ ഇങ്ങനെ പോകുന്നു.ട്രോളിന് നല്ല നമസ്‌കാരവും ഇപി ജയരാജന്‍ നേടുന്നുണ്ട്.
ശബരിമല വിഷയത്തില്‍ തുടര്‍ച്ചയായ നാലാം ദിവസമാണ് സഭ സ്തംഭിച്ചത്. ശബരിമല വിഷയത്തില്‍ അടിയന്തരപ്രമേയത്തിന് മറുപടി നല്‍കണമെന്ന് രമേശ് ചെന്നിത്തല ആവശ്യപ്പെട്ടതോടെ സഭ പ്രക്ഷുബ്ധമാകുകയായിരുന്നു. പിന്നീട് സഭയില്‍ വാക്ക് പോരായിരുന്നു നടന്നത്. യുഡിഎഫ് എംഎല്‍എമാര്‍ നിയമസഭാ കവാടത്തിന് മുന്നില്‍ സത്യാഗ്രഹമിരിക്കുകയാണ്.
Post Your Comments