ഹൈദരാബാദ്: യുഎസില്‍ കൗമാരക്കാരന്റെ വെടിയേറ്റ് ഇന്ത്യക്കാരന് ദാരുണാന്ത്യം. വ്യാഴാഴ്ച രാത്രി പ്രാദേശിക സമയം എട്ടോടെയുണ്ടായ ആക്രമണത്തില്‍ തെലങ്കാന സ്വദേശി സുനില്‍ എഡ്‌ല(61) ആണ് ന്യൂജേഴ്‌സിയിലെ വെന്റ്‌നര്‍ നഗരത്തില്‍ കൊല്ലപ്പെട്ടത്. തെലങ്കാനയിലെ മേദക് സ്വദേശിയാണ് എഡ്‌ല. 31 വര്‍ഷങ്ങള്‍ക്കു മുമ്പാണ് എഡ്‌ല അമേരിക്കയിലേക്കു കുടിയേറുന്നത്.
അറ്റ്‌ലാന്റിസ് സിറ്റിയിലെ ഒരു സ്ഥാപനത്തില്‍ നൈറ്റ് ഓഡിറ്ററായി ജോലി നോക്കുകയായിരുന്നു എഡ് വെടിയുതിര്‍ത്ത കൗമാരക്കാരന്‍ എഡ്‌ലയുടെ കാറുമായി കടന്നു. വീടിനു പുറത്തുനില്‍ക്കുകയായിരുന്ന എഡ്‌ലയ്ക്കു നേരെ പതിനാറുകാരന്‍ വെടിയുതിര്‍ക്കുകയായിരുന്നു. ജോലിക്കു പോകവെയാണ് വെടിയേറ്റതെന്നാണു റിപ്പോര്‍ട്ട്. വെള്ളിയാഴ്ച പോലീസ് അക്രമിയെ അറസ്റ്റ് ചെയ്തു. കാറും പിടിച്ചെടുത്തു.
Post Your Comments