ബ്യുണസ് ഐറിസ് : യൂത്ത് ഒളിമ്പിക്സ് വനിതാ ഹോക്കിയിൽ 5sൽ വെള്ളി സ്വന്തമാക്കി ഇന്ത്യ . ആതിഥേയരായ അര്‍ജന്റീനയോട് 3-1 എന്ന സ്കോറിനാണ് ഇന്ത്യ പരാജയം എറ്റുവാങ്ങിയത്. മത്സരം ആരംഭിച്ചു 49 സെക്കന്‍ഡുകള്‍ക്കുള്ളില്‍ അര്‍ജന്റീനയെ ഞെട്ടിച്ച് ഇന്ത്യ ഗോൾ നേടിയെങ്കിലും പ്രതീക്ഷകളെ കീഴ്‌മേൽ മറിച്ച് കൊണ്ട് ആദ്യ പകുതിയില്‍ തന്നെ രണ്ട് ഗോള്‍ മടക്കി അര്‍ജന്റീന ലീഡ് സ്വന്തമാക്കി. ഏഴാം മിനുട്ടില്‍ ജിയനെല്ല പാലെറ്റ്, ഒമ്ബതാം മിനുട്ടില്‍ സോഫിയ രാമല്ലോ എന്നിവരാണ് ഗോളുകള്‍ നേടിയത്. രണ്ടാം പകുതിയില്‍ ബ്രിസ ബ്രുഗെസ്സെര്‍ നേടിയ ഗോളിലൂടെ അര്‍ജന്റീന സ്വര്‍ണ്ണ മെഡല്‍ ഉറപ്പിച്ചു. മുംതാസ് ഖാന്‍ ആണ് ഇന്ത്യയുടെ ആശ്വാസ ഗോള്‍ നേടിയത്.
Post Your Comments