കൊച്ചിയില്‍ മീഡിയ വണ്‍ വാര്‍ത്താ സംഘത്തിന് നേരെ ആക്രമണം. കളമശ്ശേരിയില്‍ വച്ചുണ്ടായ ആക്രമണത്തില്‍ റിപ്പോര്‍ട്ടര്‍ ശ്രീജിത്ത് ശ്രീകുമാരന്‍, ഡ്രൈവര്‍ ലിന്‍സ്, കൊച്ചി ബ്യൂറോ അഡ്മിന്‍ സജിത് എന്നിവര്‍ക്കാണ് ആക്രമണത്തില്‍ പരിക്കേറ്റത്. മീഡിയ വണ്‍ ജീവനക്കാരുടെ ബൈക്ക് തട്ടിയതിനെ തുടർന്നുണ്ടായ തർക്കമായിരുന്നു കാരണം.
തുടര്‍ന്ന് മീഡിയ വണ്‍ ജീവനക്കാരുടെ ബൈക്ക് ഇവര്‍ പിടിച്ചുവാങ്ങി വര്‍ക്ക്‌ഷോപ്പിലേക്ക് കൊണ്ടുപോകുകയായിരുന്നു. കളമശേരി സ്വദേശി വിവേകും കൂട്ടാളിയുമാണ് അക്രമം നടത്തിയതെന്നാണ് ആരോപണം. കൂടുതല്‍ മീഡിയ വണ്‍ ജീവനക്കാര്‍ എത്തിയെങ്കിലും ഇവരെ ഇരുമ്പ് ദണ്ഡ് അടക്കമുള്ളവ ഉപയോഗിച്ച്‌ മര്‍ദ്ദിക്കുകയായിരുന്നു.
പരിക്കേറ്റവരെ കളമശേരി മെഡിക്കല്‍ കോളേജില്‍ പ്രവേശിപ്പിച്ചു. ആക്രമണത്തിന് നേതൃത്വം നല്‍കിയ വിവേകിനേയും സംഘത്തിനേയും കസ്റ്റഡിയിലെടുത്തു.
Post Your Comments