കൊല്ലം: രണ്ടാം ക്ലാസ് വിദ്യാർഥിനിയെ പീഡിപ്പിച്ചയാളെ പോലീസ് അറസ്റ്റ് ചെയ്തു.വറ തെക്കുംഭാഗം പൊലീസ് സ്റ്റേഷനതിര്‍ത്തിയിലുളള സ്വകാര്യ സ്കൂളിലെ രണ്ടാം ക്ലാസ് വിദ്യാര്‍ത്ഥിനിയെ തട്ടിക്കൊണ്ടുപോയി പീഡിപ്പിച്ചയാള്‍ പിടിയിലായി. തേവലക്കര പടിഞ്ഞാറ്റക്കര വടശ്ശേരി പടീറ്റതില്‍ വീട്ടില്‍ ജാരീസ് എന്നു വിളിക്കുന്ന ഹാരീസാണ് അറസ്റ്റിലായത്. മോഷണം, പണംതട്ടല്‍, കവര്‍ച്ച തുടങ്ങിയ കേസുകളില്‍ നിരവധി തവണ ഇയാള്‍ ജയില്‍ ശിക്ഷ അനുഭവിച്ചിട്ടുണ്ട്.
സ്കൂളിൽ നിന്നും വരുന്ന വഴി വീട്ടിലേക്ക് പോയ ഏഴുവയസുകാരിയെ വീട്ടിലെത്തിക്കാമെന്ന് പറഞ്ഞ് വഴിയില്‍ നിന്നും ബൈക്കില്‍ കയറ്റി ആളൊഴിഞ്ഞ സ്ഥലത്ത് കൊണ്ട് പോയി പീഡിപ്പിക്കുകയായിരുന്നു. സംഭവം പുറത്തറിഞ്ഞതിനെ തുടര്‍ന്ന് ഒളിവില്‍ പോയ പ്രതിയെ തെക്കുംഭാഗം എസ്‌ഐ ജയകുമാറിന്റെ നേതൃത്വത്തിലുളള പ്രത്യേക അന്വേഷണ സംഘമാണ് അറസ്റ്റ് ചെയ്തത്.
Post Your Comments