ജിറോണയെ വീഴ്ത്തി റയൽ മാഡ്രിഡിന് ജയം

മാഡ്രിഡ് : ലാ ലിഗയിലെ രണ്ടാം മത്സരത്തിൽ ജിറോണയെ പരാജയപ്പെടുത്തി റയൽ മാഡ്രിഡിന് വിജയം. 1-4 എന്ന സ്കോറിനാണ് റയൽ ജിറോണയെ കീഴ്പ്പെടുത്തിയത്.

ആദ്യപകുതിയിൽ മികച്ച പ്രകടനവുമായാണ് ജിറോണ തുടങ്ങിയത്. 16 മിനിറ്റ് ആയപ്പോൾ ജിറോണിയുടെ ബോറ ഗാർഷ്യ ആദ്യ ഗോൾ നേടി ലീഡ് ചെയ്തു. എന്നാൽ 39 ആം മിനിറ്റിൽ പെനാൽറ്റിയിലൂടെ റാമോസ് റയലിനെ ഒപ്പമെത്തിച്ചു.

Read also:ഏഷ്യൻ ഗെയിംസ് 2018 : ഇന്ത്യയ്ക്ക് ലഭിച്ച മെഡല്‍ തിരിച്ചെടുത്തു

രണ്ടാം പകുതിയിൽ റയലിന് വേണ്ടി ബെൻസീമ പെനാൽറ്റിയിലൂടെ തന്നെ ഒരു ഗോൾ കൂടി നേടി. ലീഡ് നേടിയ റയലിന് വേണ്ടി അൻപത്തി ഒൻപതാം മിനിറ്റിൽ ഗാരത് ബെയ്ൽ അടുത്ത ഗോളും നേടിയതോടെ ജിറോണയ്ക്കു കാലിടറി തുടങ്ങി. എൺപതാം മിനിറ്റിൽ വീണ്ടും ബെൻസീമ ഒരു ഗോൾ നേടിയതോടെ റയൽ ജയം ഉറപ്പിക്കുകയായിരുന്നു.