ആൻഫീൽഡ് : പ്രീമിയർ ലീഗിൽ ഏകപക്ഷീയമായ ഒരു ഗോളിന് ബ്രൈറ്റനെ തോൽപ്പിച്ച് ലിവർപൂളിന് വിജയം. ആദ്യ പകുതിയിൽ ഇരുപത്തി മൂന്നാം മിനുട്ടിൽ മുഹമ്മദ് സല നേടിയ ഗോളാണ് ലിവർപൂളിന് ജയം നേടി കൊടുത്തത്. ബിസോമയുടെ പാസിൽ നിന്ന് പിടിച്ചെടുത്ത ഫിർമിനോയുടെ പാസിൽ നിന്നാണ് മുഹമ്മദ് സല ഗോളടിച്ചത്.
Read also:റയല്‍ വല്ലഡൊലിഡിനെ കീഴടക്കി ബാഴ്‌സക്ക് വിജയം
തുടർന്നും ഇരു ടീമുകളും ഗോൾ നേടാൻ പൊരുതിയെങ്കിലും നടന്നില്ല. മത്സരം അവസാനിക്കാൻ മിനുട്ടുകൾ മാത്രം ബാക്കി നിൽക്കെ ബ്രൈറ്റന് അനുകൂലമായ അവസരം ലിവർപൂൾ ഗോൾ കീപ്പർ അലിസൺ രക്ഷപെടുത്തിയതോടെ ബ്രൈറ്റന്റെ അവസാന പ്രതീക്ഷയും നശിച്ചു.
ബ്രൈറ്റനെതിരെയുള്ള ഈ മത്സരത്തിൽ വിജയിച്ചതോടെ മൂന്ന് ജയങ്ങളുമായി ലിവർപൂൾ പോയിന്റ് പട്ടികയിൽ ഒന്നാമതെത്തി.
Post Your Comments