ജെറാര്‍ഡ് പിക്വെ രാജ്യാന്തര ഫുട്ബാളിൽ നിന്ന് വിരമിച്ചു

സ്പാനിഷ് ക്ലബ്ബ് ബാഴ്‌സ താരമായ പിക്വെ ക്ലബ് കരിയർ തുടരും. ദേശീയ ടീമിനായി 102 മത്സരങ്ങളില്‍ കളിച്ചിട്ടുണ്ട്. 2010-ല്‍ ലോകകപ്പ് നേടിയ സ്‌പെയിന്‍ ടീമില്‍ അംഗമായിരുന്നു. മികച്ച ഡിഫന്‍ഡര്‍മാരില്‍ ഒരാളാണ് പിക്വെ. 2012-ൽ യൂറോ കിരീടവും നേടിയിട്ടുണ്ട്.

Read also:എയർപോർട്ട് അധികൃതരോട് ലൈംഗിക ചുവയോടെ സംസാരിച്ചു; മലയാളി യുവാവ് പിടിയിൽ

സ്പാനിഷ് സൂപ്പര്‍ കപ്പിന് മുന്നോടിയായി ആയിരുന്നു പ്രഖ്യാപനം. റഷ്യന്‍ ലോകകപ്പ് പിക്വെയുടെ അവസാന മേജര്‍ ടൂര്‍ണമെന്‍റായേക്കുമെന്ന് നേരത്തെ സൂചനകളുണ്ടായിരുന്നു.

‘സ്പാനിഷ് ടീമിനൊപ്പമുള്ളത് മനോഹരമായ നിമിഷങ്ങളായിരുന്നു. യൂറോപ്യന്‍ ചാമ്പ്യന്‍ഷിപ്പും ഒരു ലോകകപ്പും നേടാനായി. ആ നല്ല കാലഘട്ടം അവസാനത്തിലേക്ക് എത്തിയിരിക്കുന്നു’ പിക്വെ വിരമിക്കൽ പ്രഖ്യാപനത്തിൽ മാധ്യമങ്ങളോട് പറഞ്ഞു.