ആലുവ : ഇടുക്കി അണക്കെട്ടിന്റെ ഷട്ടർ തുറന്നതോടെ പെരിയാറിലൂടെ ഒഴുകുന്ന വെള്ളത്തിനൊപ്പം സെല്‍ഫി എടുക്കാനുള്ള ആളുകളുടെ തിരക്ക് കാരണം ആലുവയിൽ ഗതാഗതം സ്തംഭിച്ചു. ഇതോടെ ആലുവ മാര്‍ത്താണ്ഡവര്‍മ്മ പാലത്തില്‍ പോലീസ് തുണിമറ നിർമിക്കുകയും ചെയ്തു.
ജലനിരപ്പ് ഉയരുന്നത് കാണാന്‍ ഈ പാലത്തില്‍ വാഹനങ്ങള്‍ നിറുത്തിയതാണ് ഗാതഗത കുരുക്കിന് ഇടയാക്കിയത്. ഇതേത്തുടര്‍ന്ന് പോലീസ് പാലത്തിന്‍റെ തൂണുകളില്‍ തുണി ഉപയോഗിച്ച്‌ പെരിയാറിലെ കാഴ്‌ച മറയ്ക്കുകയായിരുന്നു.
സ്ത്രീകളും കുട്ടികളും ഉള്‍പ്പെടെയുള്ള ജനം വെള്ളപ്പൊക്കം കാണാന്‍ പാലത്തിലേക്ക് വന്നു. അപകട സാധ്യത മുന്നില്‍ കണ്ട് രാവിലെ തന്നെ ആലുവ കൊട്ടാരക്കടവില്‍ നിന്നും മണപ്പുറത്തേക്കുള്ള നടപ്പാലം പോലീസ് വടം ഉപയോഗിച്ച്‌ അടച്ചു കെട്ടിയിരുന്നു.
Post Your Comments