ഇന്ത്യയിലേക്ക് പകുതി നിരക്കിൽ യാത്ര ചെയ്യാനുള്ള അവസരമൊരുക്കി എമിറേറ്റ്സ് എയർലൈൻസ്

ദുബായ്: യാത്രാനിരക്കിൽ ഇളവുകൾ പ്രഖ്യാപിച്ച് എമിറേറ്റ്സ് എയർലൈൻസ്. ഓഫർ പ്രകാരം തിരുവനന്തപുരം, കൊച്ചി എന്നിവിടങ്ങളിലേക്കുള്ള നിരക്ക് നേർപകുതിയായി. ഈ മാസം പന്ത്രണ്ടുവരെ ബുക്കു ചെയ്യുന്നവർക്കാണ് ഈ വമ്പൻ ആനുകൂല്യം ലഭിക്കുന്നത്. സെപ്റ്റംബർ 30 വരെ ഈ ടിക്കറ്റിൽ യാത്ര ചെയ്യാവുന്നതാണ്.

Read also: പ്രധാനമന്ത്രിയുടെ ഇടപെടല്‍: ഹജ്ജ് യാത്രാനിരക്കില്‍ ആശ്വാസകരമായ ഇളവുകളുമായി കേന്ദ്രസര്‍ക്കാര്‍

കൊച്ചിയിലേക്ക് ഈ മാസം 1100 ദിർഹത്തിനും അടുത്തമാസം 500 ദിർഹത്തിനും യാത്രചെയ്യാം. തിരുവനന്തപുരത്തേക്ക് ഈ മാസം 800 ദിർഹത്തിനും അടുത്തമാസം 550 ദിർഹത്തിനുമാണ് യാത്ര ചെയ്യാൻ കഴിയുന്നത്. ഹൈദരാബാദിലേക്ക് 700 ദിർഹവും അടുത്തമാസം 550 ദിർഹവും മുംബൈ-460, ഡൽഹി-500, കൊൽക്കത്ത-750 എന്നിങ്ങനെയുമാണ് നിരക്ക്.