രാ​ത്രി​യി​ല്‍ കാറിൽ പെ​ണ്‍​കു​ട്ടി​ക​ളെ കൂ​ട്ടി​ക്കൊ​ണ്ടു​പോകും, രാവിലെ തിരികെയെത്തിക്കും; പത്തുവയസുകാരിയുടെ വെളിപ്പെടുത്തൽ

ദി​യോ​രി​യ: ഉ​ത്ത​ര്‍​പ്ര​ദേ​ശി​ലെ ദി​യോ​രി​യ ജി​ല്ല​യി​ലെ ഷെ​ല്‍​ട്ട​ര്‍ ഹോ​മി​ല്‍​നി​ന്ന് പീഡനത്തിനിരയായ 24 പെ​ണ്‍​കു​ട്ടി​ക​ളെ ര​ക്ഷ​പ്പെ​ടു​ത്തി. ഷെ​ല്‍​ട്ട​ര്‍ ഹോ​മി​ല്‍​നി​ന്നു ര​ക്ഷ​പ്പെ​ട്ട പ​ത്തു​വ​യ​സു​കാ​രി പോ​ലീ​സി​നു വി​വ​രം ന​ല്‍​കി​യ​തി​നെ തു​ട​ര്‍​ന്നാ​ണ് പെൺകുട്ടികളെ രക്ഷപെടുത്തിയത്. ഷെ​ല്‍​ട്ട​ര്‍ ഹോം ​ന​ട​ത്തി​യി​രു​ന്ന ദ​മ്പ​തി​ക​ളെ പോ​ലീ​സ് അ​റ​സ്റ്റ് ചെ​യ്തു. ഷെ​ല്‍​ട്ട​ര്‍ ഹോം ​ന​ട​ത്തി​യി​രു​ന്ന ഗി​രി​ജ ത്രി​പ​തി, ഭ​ര്‍​ത്താ​വ് മോ​ഹ​ന്‍ ത്രി​പ​തി, ഇ​വ​രു​ടെ മ​ക​ള്‍ എ​ന്നി​വ​രാ​ണ് അ​റ​സ്റ്റി​ലാ​യ​ത്.

Read also: ചോരയൊലിപ്പിച്ച് എല്‍.കെ.ജി വിദ്യാര്‍ത്ഥിനി; അമ്മ കാര്യം തിരക്കിയപ്പോള്‍ പുറത്ത് വന്നത് ക്രൂരപീഡനം

ചു​വ​പ്പ്, വെ​ളു​പ്പ്, ക​റു​പ്പ് കാ​റു​ക​ളി​ലെ​ത്തു​ന്ന​വ​ര്‍ രാ​ത്രി​യി​ല്‍ പെ​ണ്‍​കു​ട്ടി​ക​ളെ കൂ​ട്ടി​ക്കൊ​ണ്ടു​പോ​കു​മെ​ന്നും രാ​വി​ലെ തി​രി​കെ കൊ​ണ്ടു​വി​ടു​മെ​ന്നും പത്തുവയസുകാരി പോലീസിനോട് പറഞ്ഞിരുന്നു. തുടർന്ന് ഷെൽട്ടർ ഹോമിൽ റെയ്‌ഡ്‌ നടത്തിയ പോലീസ് പെൺകുട്ടികളെ രക്ഷപെടുത്തി. പോ​ലീ​സി​നെ സ​മീ​പി​ച്ച പെ​ണ്‍​കു​ട്ടി​യെ വൈ​ദ്യ​പ​രി​ശോ​ധ​ന​യ്ക്കു വി​ധേ​യ​യാ​ക്കി. പി​ന്നീ​ട് മ​ജി​സ്ട്രേ​റ്റി​നു മു​ന്നി​ലെ​ത്തി​ച്ചു മൊ​ഴി രേ​ഖ​പ്പെ​ടു​ത്തി. ബി​ഹാ​ര്‍ മു​സ​ഫ​ര്‍​പൂ​രി​ലെ സ​ര്‍​ക്കാ​ര്‍ ഷെ​ല്‍​ട്ട​ര്‍ ഹോ​മി​ല്‍ പെ​ണ്‍​കു​ട്ടി​ക​ള്‍ പീ​ഡി​പ്പി​ക്ക​പ്പെ​ട്ട​തി​ന്‍റെ വാ​ര്‍​ത്ത​ക​ള്‍ ക​ഴി​ഞ്ഞ ദിവസം പുറത്തുവന്നതിന്റെ പിന്നാലെയാണ് വീണ്ടും ഷെൽട്ടർ ഹോം പീഡനം റിപ്പോർട്ട് ചെയ്‌തിരിക്കുന്നത്‌.