തൃപ്പൂണിത്തുറ: വീട്ടുവളപ്പില്‍ കഞ്ചാവ് കൃഷി നടത്തിയ 25കാരൻ അറസ്റ്റിൽ. എറണാകുളം ഉദയംപേരൂരില്‍ നടക്കാവ് കറുകശേരിയില്‍ അഖില്‍ ആണ് അറസ്റ്റിലായത്. ചെടിച്ചട്ടിയിലാണ് ഇയാൾ കഞ്ചാവ് ചെടി നട്ടുവളർത്തിയത്. മേഖലയില്‍ കഞ്ചാവിന്റെയും മറ്റു ലഹരിമരുന്ന് ഉപയോഗവും വര്‍ദ്ധിച്ചതായുള്ള പരാതിയില്‍ നടത്തിയ അന്വേഷണത്തിലാണ് അഖിലിന്റെ വീട്ടില്‍ കഞ്ചാവ് ചെടി കണ്ടെത്തിയത്.
ALSO READ: ടെറസിന്റെ മുകളിൽ കഞ്ചാവ് കൃഷി – കൊച്ചിയിൽ യുവതി അറസ്റ്റിൽ
ഉദയം പേരൂര്‍ എസ്.ഐ കെ.എ ഷിബുവിന്റെ നേതൃത്വത്തിലായിരുന്നു അറസ്റ്റ്. പ്രതിയിൽ നിന്ന് ഒരു ചെറിയ പൊതി കഞ്ചാവും പിടികൂടിയിട്ടുണ്ട്. അഖിലിനെ ചൊവ്വാഴ്ച കോടതിയില്‍ ഹാജരാക്കും. വീടിന്റെ ടെറസിൽ കഞ്ചാവ് ചെടി വളര്‍ത്തിയതിന് കഴിഞ്ഞ മാര്‍ച്ചില്‍ യുവതി അറസ്റ്റിലായിരുന്നു. ടൂറിസ്റ്റ് ഗൈഡ് കൂടിയായ കലൂര്‍ വട്ടേക്കാട്ട് റോഡില്‍ താമസിക്കുന്ന മേരി ആന്‍ ക്ലമന്റാണ് അറസ്റ്റിലാലായിരുന്നത്.
Post Your Comments