കൊല്ലം : വീട്ടുവളപ്പില്‍ കഞ്ചാവ് കൃഷി നടത്തിയ യുവാവ് അറസ്റ്റിൽ. പരവൂര്‍ സ്വദേശി പ്രിന്‍സ് ആണ് പിടിയിലായത്. രഹസ്യവിവരത്തെത്തുടര്‍ന്ന് വീട്ടില്‍ പരിശോധനയ്ക്ക് എത്തിയ പൊലിസിനെ കണ്ട് ഓടാന്‍ ഇയാൾ ശ്രമിച്ചെങ്കിലും ഇയാളെ പിടികൂടുകയായിരുന്നു. തുടര്‍ന്ന് വീടിന്റെ പരിസരത്ത് നടത്തിയ പരിശോധനയില്‍ കഞ്ചാവിന്റെ നാല് ചെറിയ ചെടികളും അന്‍പതിലധികം വലിയ ചെടികളും കണ്ടെടുത്തു. ഷാഡോ പൊലീസിന്റ കൂടി സഹായത്തോടെയാണ് പ്രതിയ പിടികൂടിയത്.
കഞ്ചാവ് സ്ഥിരമായി ഉപയോഗിക്കുന്നയാളാണ് പ്രിന്‍സെന്ന് പൊലീസ് പറഞ്ഞു. കഞ്ചാവ് പൊതിയില്‍ നിന്ന് കിട്ടുന്ന വിത്ത് വീട്ട് വളപ്പില്‍ പാകിയാണ് ഇയാള്‍ കൃഷി നടത്തിയിരുന്നത്. ഇയാള്‍ നിരവധി കഞ്ചാവ് കേസുകളിലും അടിപിടി കേസുകളിലും പ്രതിയാണ്. പ്രിന്‍സിനെ കോടതിയില്‍ ഹാജരാക്കി റിമാന്റ് ചെയ്തു.
Post Your Comments