ജോലി വാഗ്ദാനം ചെയ്ത് പലര്‍ക്കായി കാഴ്ച്ചവച്ചു; സഹോദരിമാര്‍ക്കെതിരെ ആരോപണവുമായി വീട്ടമ്മ

വിദേശത്ത് ജോലി വാഗ്ദാനം ചെയ്ത് അവിടെ എത്തിച്ച ശേഷം പലര്‍ക്കും തന്നെ കാഴ്ച വച്ചുവെന്ന ആരോപണവുമായി കൊല്ലം സ്വദേശിയായ വീട്ടമ്മ രംഗത്ത്. സഹോദരിമാരുമായ ബന്ധുക്കള്‍ക്കെതിരെയാണ് യുവതിയുടെ പരാതി. ഇത് കൂടാതെ കള്ളക്കേസില്‍ തന്റെ ഭര്‍ത്താവിനെ ആരോപണ വിധേയരായ സഹോദരിമാര്‍ ശ്രമിക്കുന്നുവെന്നും യുവതി ആരോപിക്കുന്നു.

മസ്കറ്റില്‍ വീട്ടു ജോലി വാഗ്ദാനം ചെയ്താണ് രണ്ടു മക്കളുടെ അമ്മകൂടിയായ യുവതിയെ വിദേശത്തേയ്ക്ക് കൊണ്ടുപോയത്. അവിടെ എത്തിച്ച ശേഷം ബ്ലാക്ക് മെയില്‍ ചെയ്ത് പലര്‍ക്കായി കാഴ്ച്ചവച്ചുവെന്നാണ് യുവതിയുടെ ആരോപണം. നാട്ടിലേക്ക് മടങ്ങാതിരിക്കാന്‍ പാസ്പോര്‍ട്ട് കൈക്കലാക്കിയെന്നും യുവതി പറയുന്നു. ഇവരുടെ ചതിയില്‍ നിരവധിപേര്‍ കുടുങ്ങിയിട്ടുണ്ടെന്നും യുവതി പറയുന്നു.

അരോപണവിധേയരായ സഹോദരമാരുടെ വീട് അടിച്ചു തകര്‍ത്തുവെന്ന പരാതിയെ തുടര്‍ന്ന് കൊല്ലം അഞ്ചാലുംമൂട് പൊലീസ് യുവതിയുടെ ഭര്‍ത്താവിനെതിരെ കേസെടുത്തിട്ടുമുണ്ട്.