യുവമോര്‍ച്ച വനിത നേതാവ് ലെസിത പാലക്കലിനെ സോഷ്യല്‍ മീഡിയകളിലൂടെ ലൈംഗികമായി അധിക്ഷേപിച്ച സംഭവത്തില്‍ തരികിട സാബു എന്ന സാബുമോന്‍ ഇബ്ദുസമദിന് കുരുക്ക് മുറുകുന്നു. സംഭവം ബിജെപി ദേശീയ അധ്യക്ഷന്‍ അമിത് ഷായുടെ ശ്രദ്ധയില്‍ പെട്ടതോടെയാണ് ഇത്.
read also: ബിഗ് ബോസില്‍ നിന്ന് തരികിട സാബുവിനെ പുറത്താക്കണം : ഏഷ്യാനെറ്റ് എം.ഡിയ്ക്ക് ബിജെപിയുടെ പരാതി
സംഭവത്തില്‍ അമിത് ഷാ സംസ്ഥാന നേതൃത്വത്തോട് വിശദീകരണം തേടുകയും തുടര്‍ നടപടികളെടുക്കാന്‍ നിര്‍ദേശിക്കുകയായിരുന്നു. പിന്നാലെയായിരുന്നു സാബുവിന്റെ കായംകുളത്തെ വീട്ടിലേക്ക് യുവമോര്‍ച്ച മാര്‍ച്ച് നടത്തിയത്. വരും ദിവസങ്ങള്‍ ശക്തമായ പ്രതിഷേധത്തിനാണ് സംസ്ഥാന നേതൃത്വം പദ്ധതിയിടുന്നത്. ബിഗ്‌ബോസ് മത്സരാര്‍ത്ഥിയായ സാബുമോന്‍ ഇപ്പോള്‍ മുംബൈലാണുള്ളത്.
സാബു ഒളിവിലാണെന്നായിരുന്നു കേരള പോലീസിന്റെ വിശദീകരണം. ഇതിനിടെയാണ് ബിഗ്‌ബോസ് ഷോയില്‍ സാബു പ്രത്യക്ഷപ്പെട്ടത്. ഇതോടെ സാബുവിനെതിരെ സോഷ്യല്‍ മീഡിയകളില്‍ പ്രതിഷേധം ഇരട്ടിച്ചിരിക്കുകയാണ്. വരും ദിവസങ്ങളില്‍ സംസ്ഥാന ബിജെപി നേതൃത്വത്തിന്റെ നേതൃത്വത്തില്‍ വമ്പ്# പ്രതിഷേധ നടപടികള്‍ ഉണ്ടാകുമെന്നാണ് വിനവരം.
Post Your Comments