തിരുവനന്തപുരം: മോദി സര്‍ക്കാരിന്‍റെ നാലാം വാര്‍ഷികത്തിൽ ബിജെപിയെ കടന്നാക്രമിച്ച് കോൺഗ്രസ്.
ജനങ്ങളെ ഭിന്നിപ്പിച്ച്‌ ഭരണം നടത്തുന്ന ബിജെപിയുടെ പേര് ബ്രിട്ടീഷ് ജനതാ പാര്‍ട്ടിയെന്നാക്കി മാറ്റണമെന്ന്. കെപിസിസി പ്രസിഡന്‍റ് എം.എം. ഹസന്‍. കെപിസിസിയുടെ നേതൃത്വത്തില്‍ രാജ്ഭവനിലേക്ക് നടത്തിയ മാര്‍ച്ച്‌ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ബിജെപി സര്‍ക്കാരിന്‍റെ നാലാം വാര്‍ഷികം വഞ്ചനാദിനമായിയാണ് കോൺഗ്രസ് ആചരിച്ചത്.
ALSO READ: കോൺഗ്രസ്സിന്റെ അവഗണനയ്‌ക്കെതിരെ രാജ് മോഹൻ ഉണ്ണിത്താൻ പരസ്യമായി രംഗത്ത്
അച്ഛാദിന്‍ കോര്‍പറേറ്റുകള്‍ക്കു മാത്രമാണ്. സാധാരണ ജനങ്ങൾ ഇന്നും വലയുകയാണ്. ഇന്ധവില വര്‍ധനവിന്‍റെ മറവില്‍ കോര്‍പ്പറേറ്റുകള്‍ കോടികള്‍ കൊയ്യുകയാണ്. നികുതിയുടെ പേരില്‍ കേന്ദ്രസര്‍ക്കാര്‍ ജനങ്ങളെ കൊള്ളയടിക്കുന്നു. ജിഎസ്ടിയും നോട്ട് നിരോധനവും ഇന്ത്യന്‍ സമ്പത് വ്യവസ്ഥയുടെ നട്ടെല്ല് തകര്‍ത്തുവെന്നും ഹസൻ കുറ്റപ്പെടുത്തി. രാജ്ഭവനിലേക്ക് നടത്തിയ പ്രതിഷേധ മാര്‍ച്ചില്‍ നൂറു കണക്കിന് പ്രവര്‍ത്തകർ പങ്കെടുത്തു.
Post Your Comments