ബാർ കോഴക്കേസ് ; യുഡിഫ് സർക്കാർ ചെലവിട്ടത് കോടികൾ

തിരുവനന്തപുരം: ബാർ കോഴക്കേസിൽ യുഡിഫ് സർക്കാർ ചെലവിട്ടത് 2 കോടി 70 ലക്ഷം രൂപ. കപിൽ സിബലിന്റെ രണ്ട് സിറ്റിംഗിന് മാത്രം നൽകിയത് 35ലക്ഷം രൂപ വീതം. 2015ലാണ് കപിൽ സിബൽ ഹൈക്കോടതിയിൽ ഹാജരായത്.

ALSO READ: ബാർ കോഴക്കേസ് ; വിജിലൻസ് കോടതിയിൽ നാടകീയ രംഗങ്ങൾ

പൂട്ടിയ ബാറുകൾ തുറക്കാൻ മന്ത്രിയായിരിക്കെ കെ.എം. മാണിക്ക് ഒരുകോടി രൂപ കോഴ നൽകിയെന്ന ബിജു രമേശിന്റെ ആരോപണത്തിലാണു 2014 ഡിസംബറിൽ മാണിയെ പ്രതിയാക്കി വിജിലൻസ് കേസെടുത്തത്. മാണിക്കെതിരെ സഹചര്യത്തെളിവുണ്ടെന്ന് അന്നത്തെ എസ്പി: ആർ.സുകേശൻ നിലപാടെടുത്തു. എന്നാൽ കേസ് വേണ്ടെന്ന്, നിയമോപദേശം നൽകിയ എഡിജിപി: ഷെയ്ക്ക് ദർബേശ് സാഹിബും നിലപാടെടുത്തു. തെളിവില്ലെന്നു ചൂണ്ടിക്കാട്ടി 2015 ജൂലൈയിൽ കോടതിയിൽ റിപ്പോർട്ട് നൽകി.

എന്നാൽ തുടരന്വേഷണമാവശ്യപ്പെട്ടു വി.എസ്. അച്യുതാനന്ദൻ അടക്കം 11 പേർ കോടതിയിലെത്തി. ഇതോടെ തുടരന്വേഷണത്തിനു കോടതി നിർദേശിച്ചു. കേസിൽ കെ എം മാണിയെ കുറ്റവിമുക്തനാക്കിയിരുന്നു.