ബീജിങ്: വീട്ടിലേക്ക് മടങ്ങുകയായിരുന്ന ഏഴ് സ്കൂള്‍ വിദ്യാര്‍ഥികളെ യുവാവ് കുത്തിക്കൊന്നു. സംഭവം നടന്നത് വടക്കുപടിഞ്ഞാറന്‍ ചൈനയിലെ ഷാന്‍സിയിലാണ്. കൂട്ടമായി സഞ്ചരിക്കുകയായിരുന്ന വിദ്യാര്‍ഥികള്‍ക്ക് നേരെ സാവോ എന്ന യുവാവ് ചാടിവീണ് ആക്രമിക്കുകയായിരുന്നു. മരിച്ചവരില്‍ അഞ്ചുപേര്‍ പെണ്‍കുട്ടികളാണ്. 12ഒാളം വിദ്യാര്‍ഥികള്‍ക്ക് ഗുരുതരമായ പരിക്കേറ്റിട്ടുണ്ട്.
read also: ലൈംഗികബന്ധത്തിലൂടെ തനിക്ക് എച്ച്ഐവി പകർത്താൻ ശ്രമിച്ച കാമുകനെ കാമുകി കുത്തിക്കൊന്നു
കൊല്ലപ്പെട്ടത് 12നും 15നും ഇടയില്‍ പ്രായമുള്ള നമ്പര്‍ ത്രീ മീഡിയ സ്കൂള്‍ വിദ്യാര്‍ഥികളാണ്. 28 കാരനായ സാവോയും ഇതേ സ്കൂളിലെ വിദ്യാര്‍ഥിയായിരുന്നുവെന്നും റിപ്പോര്‍ട്ടുണ്ട്. സംഭവം നടന്നത് ഇന്ന് വൈകുന്നേരം 6:10ഒാടെയാണ്. സംഭവസ്ഥലത്തുവച്ച്‌ തന്നെ സാവോയെ കസ്റ്റഡിയിലെടുത്തെതായി മസികൗണ്ടി പൊലീസ് അറിയിച്ചു. അക്രമത്തിന്റെ കാരണം വ്യക്തമല്ല.
Post Your Comments