പ്രവാസികൾക്ക് നാട്ടിൽ സൗജന്യമായി ടിവി കൊണ്ട് പോകാനുള്ള സൗകര്യവുമായി ജെറ്റ് എയർവേയ്‌സ്

കുവൈത്ത് സിറ്റി ; പ്രവാസികൾക്ക് കുവൈറ്റിൽ നിന്നും 48 ഇഞ്ച് വരെ ടെലിവിഷൻ ഇന്ത്യയിലേക്ക് സൗജന്യമായി കൊണ്ടുപോകാൻ സൗകര്യം ഒരുക്കി ജെറ്റ് എയർവേയ്‌സ്. 19 ദിനാർ കൂലി ഈടാക്കിയിരുന്നിടത്താണ് പുതിയ ആനുകൂല്യവുമായി കമ്പനി രംഗത്തെത്തിയത്. അതേസമയം കുവൈറ്റിൽ നിന്നും മംഗളൂരു, കോഴിക്കോട് ഉൾപ്പെടെയുള്ള വിമാനത്താവളങ്ങളിലേക്കുള്ള ബാഗേജ് നിരക്കിലും ഇളവ് വരുത്തിയതായി ജെറ്റ് എയർവെയ്സ് കുവൈത്ത് മാനേജർ ബിബിൻ ബാലകൃഷ്ണൻ അറിയിച്ചു.

ഇക്കോണമിയിൽ കുറഞ്ഞ നിരക്കിലുള്ള ടിക്കറ്റുകൾക്ക് 35കിലോ, മറ്റു നിരക്കിലുള്ളവയ്ക്ക് 40കിലോ ബാഗേജ് അലവൻസുമാണ് അനുവദിച്ചത്. നിലവിൽ 30കിലോയാണ് എല്ലാ നിരക്കുകാർക്കും അനുവദിക്കുന്നത്. അതോടൊപ്പം തന്നെ അധിക ബാഗേജ് നിരക്കിലും കുറവ് വരുത്തി. ഒരു കിലോഗ്രാം അധിക ബാഗേജിന് ഏഴുദിനാറാണ് ഈടാക്കുന്നത്. പുതിയ നിരക്ക് പ്രകാരം അഞ്ച് കിലോഗ്രാം അധിക ബാഗേജിന് 11ദിനാറും 10കിലോഗ്രാമിന് 14ദിനാറും 15 കിലോഗ്രാമിന് 24ദിനാറും 20 കിലോഗ്രാമിന് 28 ദിനാറുമാകും നിരക്കായി ഈടാക്കുക.

Also read ;വി​മാ​ന​ങ്ങ​ളി​ല്‍ അ​ധി​ക ബാ​ഗേ​ജ് കൊ​ണ്ടു​പോ​കു​ന്ന യാ​ത്ര​ക്കാ​ര്‍​ക്ക് സ​ന്തോ​ഷ​വാ​ര്‍​ത്ത