കലവൂർ: സ്റ്റുഡിയോ നടത്തുന്ന ആൾ നടത്തിയ പരീക്ഷണപറക്കലിൽ ഹെലിക്യാമിന് വഴി തെറ്റി വീട്ടുമുറ്റത്ത് പറന്നിറങ്ങിയത് ആശങ്ക സൃഷ്ടിച്ചു. അമ്പനാകുളങ്ങര ബംഗ്ലാ പറമ്പിൽ ഹാരിസ് സലീമിന്റെ വീട്ടിലാണ് ഡ്രോൺ പറന്നിറങ്ങിയത്. അൽപ സമയം പറന്നു നിന്ന ശേഷം ഭിത്തിയിൽ ഇടിച്ചു താഴെ വീഴുകയായിരുന്നു. സംഗതി ഹെലിക്യാം ആണെന്നു മനസ്സിലായെങ്കിലും വീട്ടുമുറ്റത്ത് പറന്ന് വീണതിനാൽ കുടുംബം ആശങ്കയിലായി.
Read Also: കുറഞ്ഞ കാലയളവിനുള്ളില്‍ കാശുണ്ടാക്കാനുള്ള ഏറ്റവും നല്ല മാര്‍ഗം ഇതാ
തുടർന്നു മണ്ണഞ്ചേരി പൊലീസിൽ ഡ്രോൺ ഏൽപ്പിക്കാൻ തീരുമാനിക്കുകയായിരുന്നു. അന്വേഷണത്തിനു ശേഷം മണ്ണഞ്ചേരി നേതാജി ജംക്‌ഷനിൽ സ്റ്റുഡിയോ നടത്തുന്ന ആളുടേതാണ് ഡ്രോൺ എന്ന് കണ്ടെത്തി. പുതിയതായി വാങ്ങിയ ഡ്രോൺ പരീക്ഷണ അടിസ്ഥാനത്തിൽ പറത്തിയപ്പോൾ ജിപിഎസിന്റെ നിയന്ത്രണം വിട്ട് പറന്നു പോവുകയായിരുന്നു.
Post Your Comments