ആരാധകര്‍ക്ക് ഡബിള്‍ സര്‍പ്രൈസുമായി ബോളിവുഡ് നടി സണ്ണി ലിയോണ്‍. രണ്ട് ഇരട്ടക്കുട്ടികളെ ദത്തെടുത്താണ് ഇത്തവണ സണ്ണി ആരാധകരെ ഞെട്ടിച്ചത്. തന്റെ ഇന്‍സ്റ്റാഗ്രാമിലൂടെയാണ് സണ്ണി ഇക്കര്യം വ്യക്തമാക്കിയത്. ദൈവം രണ്ട് ആണ്‍കുട്ടികളെയാണ് ഞങ്ങള്‍ക്കു തന്നത്. ആഷര്‍ സിങ് വെബര്‍, നോഹ സിങ് വെബര്‍ എന്നിങ്ങനെയാണ് മക്കളുടെ പേരെന്നും സണ്ണി പറഞ്ഞു. 2017 ജൂലൈയില്‍സണ്ണി ലിയോണും ഭര്‍ത്താവ് ഡാനിയല്‍ വെബ്ബറും പെണ്‍കുട്ടിയെ ദത്തെടുത്തിരുന്നു. മഹാരാഷ്ടയിലെ ലാത്തുറില്‍ നിന്നും ഇവര്‍ 21 മാസം പ്രായമുള്ളപ്പോഴാണ് നിഷ കൗര്‍ വെബറിനെ ദത്തെടുത്തത്.
Also Read : എന്നിലെ യഥാര്‍ത്ഥ വ്യക്തിയെ അവര്‍ക്ക് വേണ്ട; വെളിപ്പെടുത്തലുകളുമായി സണ്ണി ലിയോണ്‍
കുറച്ചാഴ്ചകള്‍ക്ക് മുന്‍പാണ് കുഞ്ഞുങ്ങള്‍ പിറന്നത്. സുന്ദരമായ മൂന്ന് കുഞ്ഞുങ്ങളുടെ മാതാപിതാക്കളായിരിക്കുക എന്നത് ഞങ്ങള്‍ക്ക് അഭിമാനമാണെന്നും എല്ലാവര്‍ക്കും ഇതൊരു വലിയ സര്‍പ്രൈസ് ആകട്ടെ എന്നും താരം ട്വിറ്ററില്‍ കുറിച്ചു. മൂന്ന് മക്കള്‍ക്കുമൊപ്പം ഇരിക്കുന്ന കുടുംബത്തിന്റെ ഫോട്ടോയും താരം ട്വിറ്ററില്‍ പങ്കുവെച്ചു.
Post Your Comments