മലയാളക്കരയില്‍ ജയത്തോടെ പരമ്പര ഇന്ത്യക്ക്

ഇന്ത്യ-ന്യൂസിലന്‍ഡ് ട്വന്റി 20 പരമ്പരയില്‍ അവസാനം മത്സരത്തില്‍ ഇന്ത്യക്ക് ജയം. ആറു റണ്‍സിനാണ് ഇന്ത്യയുടെ ജയം. മഴ കാരണം എട്ട് ഓവര്‍ മാത്രമാണ് മത്സരം നടന്നത്. കാര്യവട്ടത്ത് നടന്ന മത്സരത്തില്‍ എട്ടു ഓവറില്‍ അഞ്ച് വിക്കറ്റ് നഷ്ടപ്പെടുത്തി 67 റണ്‍സെടുത്തു. മറുപടി ബാറ്റിംഗിനു ഇറങ്ങിയ ന്യൂസിലന്‍ഡിനു 61 റണ്‍സ് മാത്രമാണ് നേടനായത്. ഈ ജയത്തോടെ 2-1 ഒന്നിനു ഇന്ത്യ പരമ്പര നേടി. തിരുവനന്തപുരത്ത് 29 വര്‍ഷത്തെ ഇടവേളയ്ക്ക് ശേഷമാണ് ഒരു അന്താരാഷ്ട്ര ക്രിക്കറ്റ് മത്സരം വിരുന്ന് വന്നത്. സ്റ്റേഡിയത്തില്‍ 45,000 ത്തോളം കാണികള്‍ ഉണ്ടായിരുന്നു.