റിക്കോർ​ഡുകൾ വഴിമാറും വി​രാ​ട് കോ​ഹ്ലി വരുമ്പോൾ

കാ​ണ്‍​പു​ർ: ഇ​ന്ത്യ​ൻ നാ​യ​ക​ൻ വി​രാ​ട് കോ​ഹ്ലി വരുമ്പോൾ വഴിമാറി നടക്കുകയാണ് പല റിക്കോർ​ഡുകളും. ഇ​ന്ത്യ- ന്യൂ​സി​ല​ൻ​ഡ് ഏ​ക​ദി​ന പരമ്പരയിലെ മൂന്നാം മത്സരത്തിലാണ് കോഹ്ലി പുതിയ റിക്കോർ​ഡ് നേട്ടം സ്വന്തമാക്കിയത്. ഏകദിനത്തിൽ ഏറ്റവും വേഗത്തിൽ 9000 റ​ണ്‍​സ് പൂ​ർ​ത്തി​യാ​ക്കി​യ താരമെന്ന നേട്ടമാണ് ഇത്തവണ കോഹ്ലി സ്വന്തമാക്കിയത്.

9000 ക്ല​ബ്ബി​ൽ ഇടംപിടിക്കാനായി കോഹ്ലിക്കു വേണ്ടി വന്നത് കേവലം 194 ഇ​ന്നിം​ഗ്സു​ക​ളി​ൽ​ മാത്രമാണ്. ഇതോടെ 205 ഇ​ന്നിം​ഗ്സു​ക​ളി​ൽ നിന്നും ദക്ഷി​ണാ​ഫ്രി​ക്കയുടെ എ.​ബി.​ഡി​വി​ല്ല്യേ​ഴ്സ് നേടിയ 9000 റ​ണ്‍​സിന്റെ റിക്കോർ​ഡ് പഴങ്കഥായി മാറി. 202 ാമത്തെ ഏകദിന മത്സരം കളിക്കുന്ന കോഹ്ലി ഇതിനകം നിരവധി റിക്കോർ​ഡുകളാണ് സ്വന്തം പേരിലാക്കിയത്.