ലോക ക്രിക്കറ്റിലെ എക്കാലത്തെയും മികച്ച റെക്കോർഡുകൾ തന്റെ പേരിൽ ചേർത്ത് മുന്നേറുകയാണ് ഇന്ത്യൻ നായകൻ വിരാട് കോഹ്ലി. കൊഹ്‍ലിയെക്കുറിച്ച് പറയുമ്പോൾ ക്രിക്കറ്റ് ഇതിഹാസങ്ങള്‍ക്കു പോലും നൂറു നാവാണ്. ”സച്ചിന്‍ എന്നത് ഒരു വികാരമായിരുന്നു, കോഹ്ലി ഒരു അനുഭവവും” എന്നായിരുന്നു സച്ചിൻ ടെണ്ടുൽക്കർ വ്യക്തമാക്കിയത്.
വിരാട് കോഹ്ലി ബാറ്റു ചെയ്യുന്നതു കാണാന്‍ എനിക്കിഷ്ടമാണ്. അയാള്‍ എന്നെത്തന്നെയാണ് ഓര്‍മ്മിപ്പിക്കുന്നതെന്നാണ് മുന്‍ വിന്‍ഡീസ് താരമായ വിവ് റിച്ചാര്‍ഡ്‌സ് പറഞ്ഞത്. ഒരു നല്ല കളിക്കാരനാകാന്‍ നിങ്ങള്‍ക്ക് കഴിവ് മാത്രം ഉണ്ടായാല്‍ മതി. എന്നാല്‍ ഇതിഹാസ താരമാകാന്‍ നിങ്ങള്‍ക്ക് കോലിക്കുള്ളതുപോലെയുള്ള മനോഭാവം ആവശ്യമാണെന്ന് സുനിൽ ഗാവസ്‌കർ വ്യക്തമാക്കി. കോഹ്ലിയുടെ നേട്ടങ്ങള്‍ നിങ്ങളെ ഒരിക്കലും അദ്ഭുതപ്പെടുത്തില്ല, എന്നാല്‍ അയാളുടെ തോല്‍വി നിങ്ങളെ അദ്ഭുതപ്പെടുത്തുമെന്നാണ് സഞ്ജയ് മഞ്ജരേക്കര്‍ പറഞ്ഞത്.
Post Your Comments