ലാഹോര്‍: കളിച്ച വിദേശ രാജ്യങ്ങളിലെല്ലാം സെഞ്ചുറി നേടിയ കളിക്കാരന്‍ എന്ന റെക്കോര്‍ഡ് നേടിയെടുത്ത താരമാണ് വിരാട് കോഹ്ലി. പാക്കിസ്ഥാനില്‍ മാത്രമാണ് കൊഹ്‌ലിയ്ക്ക് സെഞ്ച്വറിയില്ലാത്തത്. കോഹ്‌ലിയെ വെല്ലുവിളിച്ച് പാക് പരിശീലകന്‍ മിക്കി ആര്‍തര്‍ ഇപ്പോള്‍ രംഗത്തുവന്നിരിക്കുകയാണ്. പാക് മണ്ണില്‍ സെഞ്ചുറി നേടാന്‍ കോലി കഷ്ടപ്പെടേണ്ടി വരുമെന്നും തങ്ങളുടെ ബൗളര്‍മാര്‍ അത്ര പെട്ടെന്ന് അതിന് അനുവദിക്കില്ലെന്നും ആര്‍തര്‍ പറയുകയുണ്ടായി. പാകിസ്താനില്‍ ഒരു മത്സരം കളിക്കാന്‍ ഇന്ത്യയെത്തുമെന്ന് തങ്ങൾ പ്രതീക്ഷിക്കുന്നതായും ആർതർ വ്യക്തമാക്കുന്നു.
Read Also: ‘ആഘോഷത്തില്‍ കോഹ്ലി സ്‌റ്റൈല്‍ വേണ്ട’- യുവതാരങ്ങളോട് ദ്രാവിഡ്
2009-ല്‍ പാക് പര്യടനത്തിനെത്തിയ ശ്രീലങ്കന്‍ ടീമിന് നേരെ ഭീകരാക്രമണമുണ്ടായ ശേഷം ഇന്ത്യ പാകിസ്ഥാനിൽ കളിച്ചിട്ടില്ല. കൂടാതെ ഇന്ത്യ-പാകിസ്ഥാന്‍ ബന്ധം വഷളായതോടെ പാകിസ്ഥാനുമായുള്ള മത്സരം വേണ്ടെന്ന് ഇന്ത്യ തീരുമാനിക്കുകയും ചെയ്‌തു.
Post Your Comments