പനാജി: കൗമാരക്കാരനെ പീഡിപ്പിച്ച യുവതി പിടിയില്‍. ഗോവയിലാണ് സംഭവം നടന്നത്. പതിനേഴു വയസുള്ള കുട്ടിയാണ് പീഡനത്തിനു ഇരയായത്. 29 വയസുള്ള വിവാഹമോചിതയായ യുവതിയാണ് കുട്ടിയെ പീഡിപ്പിച്ചത്. മൂന്നു കുട്ടികളുടെ അമ്മയായ യുവതി കഴിഞ്ഞ ജൂണിനും സെപ്റ്റംബറിനും ഇടയിലാണ് കുട്ടിയെ ലൈംഗികപീഡനത്തിനു വിധേയനാക്കിയത്.
യുവതിയെ മാപുസ ടൗണ്‍ പോലീസ് പിടികൂടി. കുട്ടിയുടെ മാതാപിതാക്കള്‍ നല്‍കിയ പരാതിയിലാണ് പോലീസ് നടപടി.കുട്ടി വീട്ടില്‍ നിന്നും ഓടിപോയ ശേഷം പെട്രോള്‍ പമ്പില്‍ ജോലി ചെയ്തു വരികയായിരുന്നു. ഈ സമയത്ത് കുട്ടി താമസിച്ചത് യുവതിയുടെ വീട്ടിലായിരുന്നു. മൂന്നു കുട്ടികളോടൊപ്പമാണ് വിവാഹമോചിതയായ യുവതി താമസിച്ചിരുന്നത്. പീഡനത്തിനു ഇരയായ കൗമാരക്കാരന്‍ സ്വന്തം വീട്ടിലെത്തിയപ്പോള്‍ പെരുമാറ്റത്തിലുള്ള അസ്വഭാവികത കാരണം വീട്ടുകാര്‍ കുട്ടിയെ കൗണ്‍സിലിങ്ങിന് കൊണ്ടു പോയി. കൗണ്‍സിലിങ്ങിനിടെയാണ് കുട്ടി തനിക്ക് നേരിട്ട ദുരനുഭവം തുറന്നു പറഞ്ഞത്.
Post Your Comments