കോഴവിവാദത്തിൽ രാജ്യസഭാ എം.പി സുരേഷ് ഗോപി പറയുന്നത്

കൊച്ചി: കോഴവിവാദത്തിൽ നടനും രാജ്യസഭാ എം.പിയുമായ സുരേഷ് ഗോപി പറയുന്നത് ഇങ്ങനെ. പാർട്ടിയിൽ കോഴയാരോപണത്തിൽ ഏതെങ്കിലും അവിഹിതം നടന്നിട്ടുണ്ടെങ്കിൽ ശക്തമായ നടപടിയെടുക്കുക്കണമെന്ന് സുരേഷ്‌ഗോപി പറയുന്നു. പാർട്ടിക്ക് നടപടിയെടുക്കാനുള്ള കെൽപ്പുണ്ട്. കൊച്ചിയില്‍ മാധ്യമപ്രവര്‍ത്തകരോട് പ്രതികരിക്കുകയായിരുന്നു അദ്ദേഹം.

കേന്ദ്ര-സംസ്ഥാന തല നേതാക്കൾ ആണെങ്കിൽ പോലും സംഭവത്തിൽ ഉൾപെട്ടിട്ടുണ്ടെങ്കിൽ അന്വേഷിക്കണം. അഥവാ ആരേലും കുടുക്കിയതാണേൽ അതും അന്വേഷിക്കണമെന്ന് സുരേഷ് ഗോപി വ്യക്തമാക്കി. കേരളത്തിൽ അഴിമതിക്ക് വർഷങ്ങളുടെ ചരിത്രമുണ്ട്. അത് തെളിയട്ടെ എന്നും ജനഹിതം മാത്രമേ നടപ്പിലാകുവെന്നും അദ്ദേഹം കൂട്ടിച്ചേർത്തു.