റാഞ്ചി : മാലിന്യ കൂമ്പാരത്തില്‍ ഭ്രൂണങ്ങള്‍ ഉപേക്ഷിച്ച നിലയില്‍ കണ്ടെത്തി. ജാര്‍ഖണ്ഡിലെ ദിയോഘാറിയിലാണ് സംഭവം. നാട്ടുകാരിയായ സ്ത്രീയാണ് ഇത്തരമൊരു കാഴ്ച ആദ്യം കണ്ടത്. തുടര്‍ന്ന് സമീപവാസികളെ വിവരം അറിയിച്ചു. ജാറില്‍ നിക്ഷേപിച്ച നിലയിലാണ് മാലിന്യ കൂമ്പാരത്തില്‍ നിന്നും ഭ്രൂണങ്ങള്‍ കണ്ടെടുത്തത്.
ആണ്‍- പെണ്‍ ഭ്രൂണങ്ങള്‍ ഇതില്‍ ഉള്‍പ്പെട്ടിട്ടുണ്ട്. സംഭവത്തില്‍ പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിട്ടുണ്ട്. മഹാരാഷ്ട്രയില്‍ നിന്നും കഴിഞ്ഞ മാസം 12 ഭ്രൂണങ്ങള്‍ ഉപേക്ഷിച്ച നിലയില്‍ കണ്ടെത്തിയിരുന്നു. സങ്ലി ജില്ലയിലെ ഹൈസാല്‍ ഗ്രാമത്തിലെ ഒരു നീര്‍ച്ചാലില്‍ നിന്നുമാണ് ഭ്രൂണങ്ങള്‍ കണ്ടെത്തിയത്.
Post Your Comments