ചെന്നൈ: തമിഴ്‌നാട് മുഖ്യമന്ത്രി ജയലളിത മരിച്ചതായി ഓണ്‍ലൈന്‍ വിക്കിപീഡിയയില്‍ എഡിറ്റ്. ഡിസംബര്‍ നാലാം തീയതി വൈകുന്നേരം ഹൃദയസ്തംഭനത്തെ തുടര്‍ന്ന് ജയലളിത അന്തരിച്ചു എന്നാണ് വിക്കിപീഡിയയില്‍ പ്രത്യക്ഷപ്പെട്ടത്. ജയലളിത അതീവഗുരുതരാവസ്ഥയില്‍ അപ്പോളോ ആശുപത്രിയില്‍ കഴിയുന്നതിനിടെയാണ് ഈ തിരുത്ത് പ്രത്യക്ഷപ്പെട്ടത്. ഇതിന് മുമ്പും പല സെലിബ്രിറ്റികളുടെയും വിവരങ്ങള്‍ വിക്കിപീഡിയയില്‍ തെറ്റായി ചേര്‍ക്കപ്പെട്ടിട്ടുണ്ട്. എന്നാല്‍ തമിഴ്‌നാട് മുഖ്യമന്ത്രി ജയലളിത ആശുപത്രിയില്‍ അതീവ ഗുരുതരാവസ്ഥയില്‍ കിടക്കുമ്പോള്‍ ഇങ്ങനെ ഒരു എഡിറ്റിങ് ആരും പ്രതീക്ഷിച്ചതല്ല. വാട്‌സ് ആപ്പ് അടക്കമുള്ള സോഷ്യല്‍ മീഡിയ നെറ്റ് വര്‍ക്കുകളിലൂടെ ഈ എഡിറ്റ് ചെയ്ത പേജ് പ്രചരിക്കുന്നുമുണ്ട്.
Post Your Comments