കാലിഫോര്‍ണിയ : നിലവിലുള്ള ഇമോജികളെ കൂടാതെ പുതിയ 51 കിടിലന്‍ ഇമോജികള്‍ എത്തുന്നു. അന്താരാഷ്ട്ര യൂണികോഡ് കണ്‍സോര്‍ഷ്യമാണ് ഇതുസംബന്ധിച്ച റിപ്പോര്‍ട്ടുകള്‍ പുറത്തുവിട്ടത്. താടി വെച്ച യുവാവിന്റെയും നമ്മുടെ സ്വന്തം നാളികേരത്തിന്റെയും അടക്കം വ്യത്യസ്തമായ അനേകം ഇമോജികളും ഉടന്‍ ഫോണില്‍ ലഭ്യമാകുമെന്നാണ് സൂചന.
അടുത്ത വര്‍ഷം പുറത്തിറക്കുന്ന യൂണികോഡ് 10ന്റെ കൂടെയാകും പുതിയ 51 ഇമോജികള്‍ രംഗപ്രവേശം ചെയ്യുകയെന്നും റിപ്പോര്‍ട്ടുകളുണ്ട്. പുതിയ ഇമോജികളില്‍ ഏറ്റവുമധികം ശ്രദ്ധിക്കപ്പെട്ടത് മുലയൂട്ടുന്ന ഇമോജിയാണ്. അടുത്ത വര്‍ഷമേ ഫോണുകളില്‍ പുതിയ ഇമോജികള്‍ ലഭ്യമാകുകയുള്ളു.ഇപ്പോള്‍ പുതുതായി നിര്‍ദേശിക്കപ്പെട്ട 51 ഇമോജികളുടെ കരട് രൂപം മാത്രമാണ് പുറത്തു വിട്ടിരിക്കുന്നത്. ഇമോജികളുടെ രൂപത്തിലും ഭാവത്തിലും ഇനിയും മാറ്റം വരാനും സാധ്യതയുണ്ട്.
Post Your Comments