കല്‍പ്പറ്റ: ഫോണിലെ ശല്യം കാരണം നമ്പർ ബ്ലോക്ക് ചെയ്തതിന്റെ ദേഷ്യത്തിൽ വീട്ടിൽ അതിക്രമിച്ച് കയറി സ്ത്രീക്കെതിരെ വടിവാൾ വീശുകയും കൊല്ലുമെന്ന് ഭീഷണി മുഴക്കുകയും ചെയ്ത യുവാവ് പിടിയിൽ. സ്ത്രീയുടെ പരാതിയിൽ മുട്ടിൽ മാണ്ടാട് സ്വദേശിയായ നായ്ക്കൊല്ലി വീട്ടിൽ എം സുബൈർ (31) നെയാണ് കല്പറ്റ ഇൻസ്‌പെക്ടർ എസ്എച്ച്ഒ സായൂജ്കുമാറിന്റെ നേതൃത്വത്തിൽ പിടികൂടിയത്.
ഇക്കഴിഞ്ഞ നാലാം തീയതി വൈകുന്നേരത്തോയാണ് കേസിന് ആസ്പദമായ സംഭവം നടന്നത്. സ്ത്രീയെ ഫോണില്‍ വിളിച്ചു ശല്യം ചെയ്ത ഇയാളുടെ നമ്പര്‍ അവർ ബ്ലോക്ക് ചെയ്തതിലുള്ള വിരോധമായിരുന്നു കാരണം. ഇതേ തുടർന്ന് വീട്ടില്‍ അതിക്രമിച്ചു കയറി വടിവാള്‍ വീശുകയും കൊല്ലുമെന്ന് ഭീഷണിപ്പെടുത്തുകയായിരുന്നു. പരാതി ലഭിച്ചതിനെ തുടർന്നാണ് പൊലീസിന്റെ നടപടി.
Post Your Comments