ആറ്റിങ്ങല്‍ ● ആറ്റിങ്ങല്‍ മാമത്ത് ബൈക്കിലെത്തിയയാള്‍ പ്രവാസി യുവാവിനെ പട്ടാപ്പകല്‍ നടുറോഡിലിട്ട് വെട്ടിക്കൊന്നു. ആറ്റിങ്ങല്‍ ബ്ലാങ്കോട്ടുകോണം പ്രദീപ്‌ ഭവനില്‍ ദിലീപാണ് (32) മരിച്ചത്.
വൈകുന്നേരം നാലരയോടെ നാഗര്‍ നടയ്ക്ക് സമീപമാണ് സംഭവം. ബൈക്കില്‍ സഞ്ചരിയ്ക്കുകയായിരുന്ന ദിലീപിനെ ബൈക്കില്‍ പിന്തുടര്‍ന്നെത്തിയ ഒരാള്‍ ഇടിച്ചിട്ട ശേഷം വെട്ടുകയായിരുന്നു. വെട്ടി വീഴ്ത്തിയ ശേഷം അക്രമി രക്ഷപ്പെട്ടു. നാട്ടുകാര്‍ ഉടന്‍ ദിലീപിനെ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു.
ആക്രമണത്തിന് കാരണം അറിവായിട്ടില്ല. അക്രമി ഒരാള്‍ മാത്രമേ ഉണ്ടായിരുന്നുള്ളൂ എന്നാണ് പോലീസ് പറയുന്നത്. ഗള്‍ഫില്‍ നിന്ന് അവധിയ്ക്ക് നാട്ടിലെത്തിയ ദിലീപ് ഈ മാസം 29 ന് മടങ്ങാനിരിയ്ക്കുകയായിരുന്നു.
Post Your Comments