വാഷിംഗ്ടണ്‍: യുഎസിലേയ്ക്ക് കുടിയേറാന്‍ ശ്രമിച്ച ഏഴുവയസുകാരി മരിച്ച സംഭവത്തില്‍ അന്വേഷണം നടത്തുമെന്ന് യു.എ്‌സ് അധികൃതര്‍. ഗ്വാട്ടിമാലയില്‍ നിന്നും യു.എസിലേയ്ക്കു വന്ന ജാക്കലിന്‍ കാള്‍ മാക്വിന്‍ എന്ന പെണ്‍കുട്ടിയാണ് മരിച്ചത്. പിതാവിനൊപ്പം വന്ന ജാക്കലിന്‍ യുഎസ് ബോര്‍ഡര്‍ പോലീസന്റെ കസ്റ്റഡിയിലിരിക്കെയാണ് മരിക്കുന്നത്.
കഴിഞ്ഞയാഴ്ചയാണ് ജാക്കലിനെയും പിതാവിനേയും പോലീസ് കസ്റ്റഡിയിലെടുത്തത്. ദിവസങ്ങളോളം ഭക്ഷണവും വെള്ളവും ഇല്ലാത്ത അവസ്ഥയിലായിരുന്നു പെണ്‍കുട്ടിയെന്നും അവശയായ കുട്ടിയെ ഹെലികോപ്റ്ററില്‍ ആശുപത്രിയിലെത്തിച്ചെങ്കിലും പിന്നീട് മരണം സംഭവിച്ചെന്നുമാണ് പോലീസിന്റെ വിശദീകരണം.
മധ്യ അമേരിക്കന്‍ രാജ്യങ്ങളിലെ അരക്ഷിതാവസ്ഥയും, രാഷ്ട്രീയ പ്രതിസന്ധിയും, ദാരിദ്ര്യവും കാരണം ആയിരക്കണക്കിന് അഭയാര്‍ഥികളാണ് അമേരിക്കന്‍-മെക്‌സിക്കോ അതിര്‍ത്തി ലക്ഷ്യമാക്കി വരുന്നത്. അതേസമയം ദിവവും സംഘങ്ങളായി എത്തുന്ന ഇവരെ തടയാന്‍ വന്‍ സുരക്ഷാ സേനയെയാണ് യു.എ്‌സ് നിയോഗിച്ചിരിക്കുന്നത്.
Post Your Comments