ജോഹന്നാസ്ബര്‍ഗ്: നാലാം ഏകദിനത്തില്‍ ദക്ഷിണാഫ്രിക്കയോട് തോല്‍വി ഏറ്റുവാങ്ങിയെങ്കിലും ഇന്ത്യന്‍ നായകന്‍ വിരാട് കോഹ്ലിക്ക് ഐതിഹാസിക റെക്കോര്‍ഡ്. ഏകദിനത്തില്‍ ഏറ്റവും കൂടുതല്‍ റണ്‍ നേടിയ താരങ്ങളുടെ പട്ടികയില്‍ താരം ആദ്യ അഞ്ചില്‍ ഇടം പിടിച്ചു.
ഈ പട്ടികയില്‍ അഞ്ചാം സ്ഥാനമാണ് കോഹ്ലിക്ക്.മുന്‍ നായകന്‍ മുഹമ്മഹ് അസറുദീന്റെ(9378) റെക്കോര്‍ഡാണ് കോഹ്ലി(9423) മറികടന്നത്. അസറുദീന്‍ 308 ഇന്നിംഗ്സുകളില്‍ സ്വന്തമാക്കിയ റണ്‍സാണ് വെറും 198 ഇന്നിംഗ്സുകളില്‍ കോഹ്ലി മറികടന്നത്.
ഇന്ത്യന്‍ താരങ്ങളില്‍ സച്ചിന്‍ ടെന്‍ഡുള്‍ക്കര്‍, സൗരവ് ഗാംഗുലി, രാഹുല്‍ ദ്രാവിഡ്, എംഎസ് ധോണി എന്നിവരാണ് കോഹ്ലിക്ക് മുന്നിലുള്ളത്. 452 ഇന്നിംഗ്സുകളില്‍ 18,426 റണ്‍സുമായി മാസ്റ്റര്‍ ബ്ലാസ്റ്റര്‍ സച്ചിന്‍ ടെന്‍ഡുള്‍ക്കറാണ് ഏകദിന റണ്‍വേട്ടയില്‍ മുന്നില്‍.
Post Your Comments