കേപ്ടൗണ്‍: സെഞ്ചുറി അടി ശീലമാക്കിയിരിക്കുകയാണ് ഇന്ത്യന്‍ നായകന്‍ വിരാട് കോഹ്ലി. ദക്ഷിണാഫ്രിക്കയ്ക്ക് എതിരായ ഏകദിന പരമ്പരയിലെ മൂന്നാം മത്സരത്തിലും കോഹ്ലി സെഞ്ചുറി നേടി. 119 പന്തില്‍ നിന്നായിരുന്നു കോഹ്ലി സെഞ്ചുറി നേടിയത്.
തന്റെ ഏകദിന കരിയറിലെ 34-ാം സെഞ്ചുറിയാണ് കോഹ്ലി കേപ്ടൗണില്‍ കുറിച്ചത്. 49 സെഞ്ചുറികളുമായി സച്ചിന്‍ ടെന്‍ഡുല്‍ക്കര്‍ മാത്രമാണ് ഇനി കോഹ്ലിയുടെ മുന്നിലുള്ളത്. പരമ്പരയിലെ ആദ്യ മത്സരത്തിലും കോഹ്ലി സെഞ്ചുറി നേടിയിരുന്നു.
ടോസ് നേടിയ ദക്ഷിണാഫ്രിക്ക ഇന്ത്യയെ ബാറ്റിംഗിന് അയയ്ക്കുകയായിരുന്നു. റണ്‍സ് നേടാതെ രോഹിത് ശര്‍മ്മ പുറത്തായി. എന്നാല്‍ അതിവേഗം സ്‌കോര്‍ ചലിപ്പിച്ച ശിഖര്‍ ധവാനോടൊപ്പം കോഹ്ലി കൂടി ചേര്‍ന്ന് മികച്ച കൂട്ടുകെട്ട് പടുത്ത് ഉയര്‍ത്തുകയായിരുന്നു. ഇരുവരും ചേര്‍ന്ന് രണ്ടാം വിക്കറ്റില്‍ 140 റണ്‍സ് നേടി. 63 പന്തില്‍ നിന്ന് 76 റണ്‍ നേടിയാണ് ധവാന്‍ പുറത്തായത്.
Post Your Comments