വാട്ടര്‍ ടാങ്ക് വൃത്തിയാക്കുന്നതിനിടെ നാല് തൊഴിലാളികള്‍ ശ്വാസംമുട്ടി മരിച്ചു

നിര്‍മ്മാണത്തിലിരിക്കുന്ന കെട്ടിടത്തിലെ വാട്ടര്‍ ടാങ്ക് വൃത്തിയാക്കുന്നതിനിടെ നാല് തൊഴിലാളികള്‍ ശ്വാസംമുട്ടി മരിച്ചു. മുംബൈയിലെ നാഗ്പാഡയിലാണ് സംഭവം. മരിച്ചവരില്‍ 4 പേരും കരാര്‍ തൊഴിലാളികളാണ്. ഹസിപാല്‍ ഷെയ്ഖ് (19), രാജ ഷെയ്ഖ് (20), ജിയുള്ള ഷെയ്ഖ് (36), ഇമാണ്ടു ഷെയ്ഖ് (38) എന്നിവരാണ് അപകടത്തില്‍ മരിച്ചത്.

പരീക്ഷ എഴുതിപ്പിക്കില്ല, വകവരുത്തും : ഷഹബാസിന്റെ കൊലപാതകത്തിൽ പ്രതികളായ വിദ്യാർത്ഥികൾക്ക് നേരെ വധഭീഷണി

ഇന്ന് ഉച്ചയ്ക്ക് 12.29 ന് മുംബൈയിലെ നാഗ്പാഡയിലെ മിന്റ് റോഡിലുള്ള ഗുഡ് ലക്ക് മോട്ടോര്‍ ട്രെയിനിംഗ് സ്‌കൂളിന് സമീപമുള്ള കെട്ടിടത്തിലാണ് തൊഴിലാളികള്‍ ടാങ്ക് വൃത്തിയാക്കാന്‍ എത്തിയത്. ആദ്യം 2 പേരായിരുന്നു ടാങ്ക് വൃത്തിയാക്കാന്‍ ഇറങ്ങിയിരുന്നത്. എന്നാല്‍ അല്പസമയം കഴിഞ്ഞ് 2 പേരെയും കാണാതായപ്പോള്‍ കൂടെയുണ്ടായിരുന്നവര്‍ കൂടി ഇവരെ തിരക്കി ടാങ്കിലേക്ക് ഇറങ്ങുകയും ശ്വാസംമുട്ടുകയുമായിരുന്നു. 5 തൊഴിലാളികളാണ് ടാങ്ക് വൃത്തിയാക്കാന്‍ ഇറങ്ങിയിരുന്നത്. ആശുപത്രിയിലേക്ക് എത്തിക്കുംവഴിയാണ് 4 തൊഴിലാളികളുടെ മരണം സ്ഥിരീകരിച്ചത്. കൂടെ ഉണ്ടായിരുന്ന മറ്റൊരാളെ ജെ ജെ ആശുപത്രിയില്‍ ചികിത്സയ്ക്കായി പ്രവേശിപ്പിച്ചിരിക്കുകയാണ്