കോഴിക്കോട് : സംസ്ഥാനത്ത് സവാള വില വർധിക്കുന്നു. ഇന്ന് കോഴിക്കോട് മൊത്ത വിപണിയില്‍ കിലോയ്ക്ക് 74 രൂപയായി. ചില്ലറ വിപണിയില്‍ എത്തുമ്പോള്‍ 80 രൂപയാകും. മഹാരാഷ്ട്രയില്‍ സവാള ഉല്‍പാദനം കുറഞ്ഞതാണ് കേരളത്തില്‍ വില കൂടാന്‍ കാരണം.
മഹാരാഷ്ട്രയിൽ കനത്ത മഴയെ തുടര്‍ന്ന് പാടങ്ങള്‍ വെള്ളത്തിലാവുകയും കൃഷി നശിക്കുകയും ചെയ്തതിനാല്‍ വിളവെടുപ്പ് വൈകിയതും വില വര്‍ധനക്ക് കാരണമായി. മുന്‍വര്‍ഷങ്ങളുമായി താരതമ്യം ചെയ്യുമ്പോള്‍ 25% മാത്രമാണ് ഇത്തവണത്തെ ഉത്പാദനം.
അതുകൊണ്ടുതന്നെ മഹാരാഷ്ട്രയിലെ മുഴുവന്‍ മാര്‍ക്കറ്റുകളിലും വില വര്‍ധിക്കുകയാണ്. ഉത്പാദനം കുറഞ്ഞതിനാല്‍ മറ്റു സംസ്ഥാനങ്ങളിലേക്ക് മഹാരാഷ്ട്രയില്‍ നിന്ന് അധികം ഉള്ളി കയറ്റി വിടുന്നുമില്ല. സവാള ക്വിന്റലിന് 6600 എന്ന റെക്കോര്‍ഡ് വിലയാണ് ഇന്ന് രേഖപ്പെടുത്തിയത്.
Post Your Comments