തിരഞ്ഞെടുപ്പ് കാലത്ത് പത്മജ വള്ളം മാറി ചവിട്ടി, കൊടും ചതിയെന്നു തിരുവഞ്ചൂര്‍ രാധാകൃഷ്ണൻ

കോഴിക്കോട്: തിരഞ്ഞെടുപ്പ് കാലത്ത് തന്നെ കോൺഗ്രസ് ഉപേക്ഷിച്ചു ബിജെപിയിൽ ചേർന്ന പത്മജയുടെ തീരുമാനം കൊടും ചതിയാണെന്നു കോണ്‍ഗ്രസ് നേതാവ് തിരുവഞ്ചൂർ രാധാകൃഷ്ണൻ. പത്മജ വള്ളം മാറി ചവിട്ടിയത് തിരഞ്ഞെടുപ്പ് ഫലത്തെ സ്വാധീനിക്കില്ലെന്നും അദ്ദേഹം പറഞ്ഞു.

‘പത്മജയുടേത് കൊടും ചതിയാണ്. കരുണാകരന്റെ പടം വെച്ച്‌ ബിജെപി പ്രചാരണം നടത്തിയത് അവർക്ക് നല്ല നേതാക്കള്‍ ഇല്ലാത്തതിനാലാണ്. ഷാഫി പറമ്പിലിൻ്റെ സ്ഥാനാർഥിത്വത്തില്‍ ബിജെപി ബന്ധം ആരോപിക്കുന്നത് പരാജയ ഭീതി മൂലമാണെന്നും’ തിരുവഞ്ചൂർ വ്യക്തമാക്കി.