പൊങ്കൽ: സ്പെഷ്യൽ ട്രെയിൻ സർവീസുകൾ പ്രഖ്യാപിച്ച് റെയിൽവേ, റിസർവേഷൻ ഇന്ന് ആരംഭിക്കും

തിരുവനന്തപുരം: പൊങ്കൽ ആഘോഷങ്ങളോടനുബന്ധിച്ച് സ്പെഷ്യൽ ട്രെയിനുകൾക്ക് അനുമതി നൽകി സൗത്ത് വെസ്റ്റേൺ റെയിൽവേ. ആഘോഷവേളയിൽ യാത്രക്കാരുടെ തിരക്ക് പരിഗണിച്ചാണ് പ്രത്യേക സർവീസുകൾ ആരംഭിക്കുന്നത്. യശ്വന്ത്പൂരിനും കൊച്ചുവേളിക്കും ഇടയിലാണ് പ്രത്യേക സർവീസുകൾ ഉണ്ടായിരിക്കുക. ട്രെയിനുകളുടെ റിസർവേഷൻ ബുക്കിംഗ് ഇന്ന് രാവിലെ 8 മണി മുതൽ ആരംഭിക്കുന്നതാണെന്ന് റെയിൽവേ വ്യക്തമാക്കി. സ്പെഷ്യൽ ട്രെയിനുകളുടെ സമയക്രമം അറിയാം

യശ്വന്ത്പൂരിൽ നിന്നും കൊച്ചുവേളി വരെ സർവീസ് നടത്തുന്ന യശ്വന്ത്പൂർ-കൊച്ചുവേളി ഫെസ്റ്റിവൽ എക്സ്പ്രസ് സ്പെഷ്യൽ (06235) ജനുവരി 13ന് രാത്രി 11:55-ന് യശ്വന്ത്പൂരിൽ നിന്നും പുറപ്പെടുന്നതാണ്. ഇവ പിറ്റേദിവസം വൈകിട്ട് 7:10-ന് കൊച്ചുവേളിയിൽ എത്തിച്ചേരും. തിരിച്ചുള്ള കൊച്ചുവേളി-യശ്വന്ത്പൂർ ഫെസ്റ്റിവൽ എക്സ്പ്രസ് സ്പെഷ്യൽ ട്രെയിൻ (06236) ജനുവരി 14-ന് രാത്രി 10 മണിക്ക് കൊച്ചുവേളിയിൽ നിന്ന് പുറപ്പെട്ട്, പിറ്റേദിവസം വൈകിട്ട് 4:30-ന് യശ്വന്ത്പൂരിൽ എത്തിച്ചേരുന്നതാണ്.

Also Read: തൊഴിലുറപ്പ് തൊഴിലാളികൾക്ക് ആശ്വാസം: ഒന്നരക്കോടി തൊഴിൽ ദിനങ്ങൾ വർദ്ധിപ്പിച്ച് കേന്ദ്രസർക്കാർ