ബേ​ക്ക​റി ഉ​ല്‍പ​ന്ന നി​ര്‍മാ​ണ സ്ഥാ​പ​ന​ത്തി​ല്‍നി​ന്ന് ല​ക്ഷ​ങ്ങ​ള്‍ ത​ട്ടി​: ര​ണ്ട് ജീ​വ​ന​ക്കാ​ർ പിടിയിൽ

തേ​ഞ്ഞി​പ്പാലം: പെ​രു​വ​ള്ളൂ​ര്‍ കാ​ട​പ്പ​ടി​യി​ലെ ആ​ല്‍ഫ സ്വീ​റ്റ്‌​സ് ബേ​ക്ക​റി ഉ​ല്‍പ​ന്ന നി​ര്‍മാ​ണ ഹോ​ള്‍സെ​യി​ല്‍ സ്ഥാ​പ​ന​ത്തി​ല്‍ നി​ന്ന് ല​ക്ഷ​ങ്ങ​ള്‍ ത​ട്ടി​യ കേ​സി​ല്‍ ര​ണ്ടു​പേ​ര്‍ അ​റ​സ്റ്റി​ല്‍. വ​യ​നാ​ട് മു​ത്ത​ങ്ങ സ്വ​ദേ​ശി മു​ഹ​മ്മ​ദ് ഷാ​ഫി, കൊ​ണ്ടോ​ട്ടി പെ​രു​വ​ള്ളൂ​ര്‍ ക​രു​വാ​ങ്ക​ല്ല് പു​ളി​യ​ന്‍പ​റ​മ്പ് സ്വ​ദേ​ശി ആ​ബി​ദ് അ​ലി എ​ന്നി​വ​രെ​യാ​ണ് അറസ്റ്റ് ചെയ്തത്. തേ​ഞ്ഞി​പ്പ​ലം പൊ​ലീ​സ് ആണ് അ​റ​സ്റ്റ് ചെ​യ്ത​ത്.

Read Also : രാജ്യത്ത് ആദ്യം..! ഉത്തരാഖണ്ഡില്‍ ഏകീകൃത സിവിൽ കോഡ് അടുത്തയാഴ്ചയോടെ നിലവിൽ, ദീപാവലിക്ക് ശേഷം പ്രത്യേക നിയമസഭാ സമ്മേളനം

ഫ​റോ​ക്ക് സ്വ​ദേ​ശി പി.​എം. സെ​യ്ത് ഇ​ഷാം ഒ​ളി​വി​ലാ​ണ്. സ്ഥാ​പ​ന​ത്തി​ലെ ജോ​ലി​ക്കാ​രാ​യ ഇ​വ​ര്‍ സ്വ​ന്തം അ​ക്കൗ​ണ്ടി​ലേ​ക്ക് പ​ണം മാ​റ്റി​യ കേ​സി​ലാ​ണ് അ​റ​സ്റ്റി​ലാ​യ​ത്. 2019 മേ​യ് 31 വ​രെ​യു​ള്ള ക​ണ​ക്കു​ക​ള്‍ പ​രി​ശോ​ധി​ച്ച​പ്പോ​ള്‍ സ്റ്റോ​ക്കി​ല്‍ 23,50,000 രൂ​പ​യു​ടെ​യും 2,24,500 രൂ​പ​യു​ടെ​യും കു​റ​വ് ക​ണ്ടെ​ത്തു​ക​യാ​യി​രു​ന്നു. ജീ​വ​ന​ക്കാ​രു​ടെ ബാ​ങ്ക് അ​ക്കൗ​ണ്ട് ഇ​ട​പാ​ടു​ക​ളും സി.​സി.​ടി.​വി ദൃ​ശ്യ​ങ്ങ​ളും പ​രി​ശോ​ധി​ച്ചാ​ണ് ത​ട്ടി​പ്പ് ക​ണ്ടെ​ത്തി​യ​ത്. അ​ക്കൗ​ണ്ട​ന്റു​മാ​രും സെ​യി​ല്‍സ്മാ​ന്മാ​രു​മാ​യി​രു​ന്ന പ്ര​തി​ക​ള്‍ സാ​ധ​ന​ങ്ങ​ള്‍ വാ​ങ്ങു​ന്ന​വ​ര്‍ ഗൂ​ഗിള്‍ പേ ​വ​ഴി ന​ല്‍കു​ന്ന പ​ണം സ്വ​ന്തം അ​ക്കൗ​ണ്ടു​ക​ളി​ലേ​ക്ക് മാ​റ്റി​യും സ്ഥാ​പ​ന​ത്തി​ലെ​ത്തു​ന്ന പ​ണ​ത്തി​ല്‍ കൃ​ത്രി​മം കാ​ണി​ച്ചു​മാ​ണ് ത​ട്ടി​പ്പ് ന​ട​ത്തി​യ​ത്.

Read Also : ആഭരണ പ്രേമികൾ അറിയാൻ; ഇന്ന് പവന് 44,440 രൂപ, പക്ഷേ വാങ്ങുമ്പോൾ 3,630 അധികം നൽകണം – ശ്രദ്ധിക്കേണ്ട കാര്യങ്ങൾ

പെ​രു​വ​ള്ളൂ​ര്‍ പ​റ​മ്പി​ല്‍പീ​ടി​ക സ്വ​ദേ​ശി ഉ​ബൈ​ദ്, സ​ഹോ​ദ​ര ഭാ​ര്യ പാ​ത്തു​മ്മ എ​ന്നി​വ​രു​ടെ ഉ​ട​മ​സ്ഥ​ത​യി​ലു​ള്ള​താ​ണ് സ്ഥാ​പ​നം. 2019നു ​മു​മ്പു​ള്ള കാ​ല​യ​ള​വി​ലും സ​മാ​ന​രീ​തി​യി​ല്‍ പ​ണം ന​ഷ്ട​പ്പെ​ട്ടി​ട്ടു​ണ്ടോ​യെ​ന്ന് ഉ​ട​മ​ക​ളും പൊ​ലീ​സും പ​രി​ശോ​ധി​ച്ചു​ വ​രു​ക​യാ​ണ്.