ബൈ​ക്കും പെ​ട്ടി ഓ​ട്ടോ​യും ത​മ്മി​ൽ കൂ​ട്ടി​യി​ടി​ച്ച് അപകടം: യുവാവ് മരിച്ചു

രാ​ജാ​ക്കാ​ട്: കോ​ത​മം​ഗ​ല​ത്തി​ന് സ​മീ​പം നെ​ല്ലി​മ​റ്റ​ത്ത് ബൈ​ക്കും പെ​ട്ടി ഓ​ട്ടോ​യും കൂ​ട്ടി​യി​ടി​ച്ചു​ണ്ടാ​യ അ​പ​ക​ട​ത്തി​ൽ രാ​ജാ​ക്കാ​ട് സ്വ​ദേ​ശി​യാ​യ യു​വാ​വ് മ​രി​ച്ചു. പ​ഴ​യ​വി​ടു​തി ക​ല്ലു​വേ​ലി​പ​റ​മ്പി​ൽ പ​രേ​ത​നാ​യ ഹാ​ബേ​ലി​ന്‍റെ മ​ക​ൻ അ​നീ​ഷ്(41) ആ​ണ് മ​രി​ച്ച​ത്.

കൊ​ച്ചി-​ധ​നു​ഷ്ക്കോ​ടി ദേ​ശീ​യ പാ​ത​യി​ൽ നെ​ല്ലി​മ​റ്റം എം ​ബി​റ്റ്സ് എ​ൻ​ജി​നി​യ​റിം​ഗ് കോ​ള​ജി​നു സ​മീ​പം ഇ​ന്ന​ലെ രാ​വി​ലെ ആ​റി​നാ​യി​രു​ന്നു അ​പ​ക​ടം. മ​രി​ച്ച അ​നീ​ഷ് അ​ലൂ​മി​നി​യം ഫാ​ബ്രി​ക്കേ​ഷ​ൻ ജോ​ലി​ക്കാ​ര​നാ​ണ്. ജോ​ലി​യു​ടെ സൗ​ക​ര്യാ​ർ​ഥം കോ​ത​മം​ഗ​ലം ആ​യ​ക്കാ​ട് പു​ലി​മ​ല​യി​ൽ കു​ടും​ബ​സ​മേ​തം വാ​ട​ക​യ്ക്ക് താ​മ​സി​ച്ചു​വ​രു​ക​യാ​യി​രു​ന്നു. ഇ​ന്ന​ലെ രാ​വി​ലെ ജോ​ലി​യു​ടെ ഭാ​ഗ​മാ​യി വീ​ട്ടി​ൽ​നി​ന്നും മ​റ​യൂ​രി​ലേ​ക്ക് പോ​വു​ക​യാ​യി​രു​ന്നു മ​രി​ച്ച അ​നീ​ഷ്. ഇ​യാ​ൾ സ​ഞ്ച​രി​ച്ചി​രു​ന്ന ബൈ​ക്ക് നെ​ല്ലി​മ​റ്റ​ത്ത് എ​ത്തി​യ​പ്പോ​ൾ മ​ത്സ്യ വി​ല്പ​ന​ക്കാ​യി ഉ​പ​യോ​ഗി​ച്ചി​രു​ന്ന പെ​ട്ടി ഓ​ട്ടോ​യി​ലേ​ക്ക് ഇ​ടി​ച്ചു ക​യ​റു​ക​യാ​യി​രു​ന്നു.

Read Also : മതപരവും സാംസ്ക്കാരികവുമായ ഉത്സവാഘോഷങ്ങൾ കൊണ്ട് സമ്പന്നമായ കേരളം; ചില ആഘോഷങ്ങൾ

പെ​ട്ടി ഓ​ട്ടോ​യു​ടെ ഡോ​ർ തു​റ​ന്ന് പു​റ​ത്തേ​ക്കി​റ​ങ്ങി​യ മ​ത്സ്യ വി​ല്പ​ന​ക്കാ​ര​നാ​യ ഡ്രൈ​വ​റെ​യും ഇ​ടി​ച്ച് തെ​റി​പ്പി​ച്ച് റോ​ഡി​ലേ​ക്ക് വീ​ഴു​ക​യാ​യി​രു​ന്നു. റോ​ഡി​ൽ തെ​റി​ച്ചു​വീ​ണ അ​നീ​ഷ് ത​തക്ഷ​ണം മ​രി​ച്ച​താ​യി ദൃ​ക്സാ​ക്ഷി​ക​ൾ പ​റ​ഞ്ഞു. അ​പ​ക​ട​ത്തി​ൽ ഗു​രു​ത​ര​മാ​യി പ​രി​ക്കേ​റ്റ ഡ്രൈ​വ​ർ കു​ത്തു​കു​ഴി പാ​റാ​യി​തോ​ട്ടം കോ​യി​ക്ക​ക്കു​ടി ജോ​ബി​യെ വി​ദ​ഗ്ധ ചി​കി​ത്സ​ക്കാ​യി എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

ഊ​ന്നു​ക​ൽ പൊ​ലീ​സ് മേ​ൽ ന​ട​പ​ടി​ക​ൾ സ്വീ​ക​രി​ച്ചു. അ​നീ​ഷി​ന്‍റെ മൃ​ത​ദേ​ഹം കോ​ത​മം​ഗ​ലം താ​ലൂ​ക്ക് ആ​ശു​പ​ത്രി​യി​ൽ പോ​സ്റ്റ്മോ​ർ​ട്ട ന​ട​പ​ടി​ക​ൾ​ക്ക് ശേ​ഷം ബ​ന്ധു​ക്ക​ൾ​ക്ക് വി​ട്ടു​ന​ൽ​കി. മാ​താ​വ്: അ​മ്മി​ണി. ഭാ​ര്യ: നി​ത. മ​ക്ക​ൾ: ഏ​ബേ​ൽ (ഏ​ഴ്), അ​ഡ്‌​ലി​യ (നാ​ല്).