വോൾവോ സി40 റീചാർജ് വാങ്ങാൻ ഇനി ചെലവേറും, നിരക്കുകൾ ഉയർത്തി കമ്പനി

ആഗോള ആഡംബര കാർ നിർമ്മാതാക്കളായ വോൾവോയുടെ വോൾവോ സി40 റീചാർജ് മോഡലിന് വില വർദ്ധിപ്പിച്ചു. ഇന്ത്യൻ വിപണിയിൽ ഏറ്റവും കൂടുതൽ ജനപ്രീതിയുള്ള മോഡൽ കൂടിയാണ് വോൾവോ സി40 റീചാർജ്. ലോഞ്ച് ചെയ്യുന്ന സമയത്ത് 61.25 ലക്ഷം രൂപയായിരുന്നു ഈ മോഡലിന്റെ വില. ഇപ്പോഴുള്ള പുതുക്കിയ നിരക്ക് അനുസരിച്ച്, 62.95 ലക്ഷം രൂപയ്ക്കാണ് വോൾവോ സി40 റീചാർജ് വാങ്ങാൻ കഴിയുക. ഏകദേശം 1.7 ലക്ഷം രൂപയാണ് ഇത്തവണ വർദ്ധിപ്പിച്ചിരിക്കുന്നത്. ഈ വർഷം ജൂണിലാണ് വോൾവോ മോഡൽ ഇന്ത്യയിൽ അവതരിപ്പിച്ചത്.

ഒറ്റ ചാർജിൽ 530 കിലോമീറ്റർ വരെ റേഞ്ച് ഉള്ള കാറിന്റെ ബാറ്ററി 78kwh ലിഥിയം-അയേൺ ബാറ്ററി പാക്കാണ്. ക്രിസ്റ്റൽ വൈറ്റ്, ബ്ലൂ സ്റ്റോർ, തണ്ടർ ഗ്രേ എന്നിങ്ങനെ 8 കളർ വേരിയന്റുകളിൽ ഈ മോഡൽ ലഭ്യമാണ്. പ്രധാനമായും രണ്ട് ചാർജിംഗ് ഓപ്ഷനുകളാണ് ഈ മോഡലുകളിൽ ഉൾപ്പെടുത്തിയിരിക്കുന്നത്. 150kw DC ചാർജർ ഉപയോഗിച്ച് 27 മിനിറ്റിനുള്ളിൽ 80 ശതമാനം വരെയും, 11kw ചാർജർ ഉപയോഗിച്ച് 8 മണിക്കൂർ കൊണ്ട് പൂർണ്ണമായും ചാർജ് ചെയ്യാൻ കഴിയുന്നതാണ്. ഇന്ത്യൻ വിപണിയിൽ ആകെ 6 മോഡൽ കാറുകൾ മാത്രമാണ് വോൾവോ പുറത്തിറക്കിയിട്ടുള്ളൂ.

Also Read: ഏഴ് വർഷത്തിനുശേഷം ബെന്നുവിലെ വിവരങ്ങൾ ശാസ്ത്രലോകത്തിന്! ചുരുളഴിയുക നിർണായക രഹസ്യങ്ങൾ