പേരൂർക്കട: യുവാവിനെ വെട്ടിപ്പരിക്കേൽപ്പിച്ച സംഭവത്തിൽ മധ്യവയസ്കൻ അറസ്റ്റിൽ. കുറവൻകോണം മരപ്പാലം സ്വദേശി ജോണി(54) ആണ് അറസ്റ്റിലായത്. പേരൂർക്കട പൊലീസ് ആണ് അറസ്റ്റ് ചെയ്തത്.
കഴിഞ്ഞ16-നായിരുന്നു കേസിനാസ്പദമായ സംഭവം നടന്നത്. മരപ്പാലം സ്വദേശി ജിഷ്ണു(29)വിനാണ് മരപ്പാലം മാർക്കറ്റിനു സമീപത്തുവച്ച് വെട്ടേറ്റത്. മുൻവൈരാഗ്യമാണ് ആക്രമണത്തിലേക്ക് നയിച്ചത്.
Read Also : 4 പൊലീസ് ഉദ്യോഗസ്ഥരെ പ്രതി ചേര്‍ത്തു; താനൂര്‍ കസ്റ്റഡി മരണത്തില്‍ സിബിഐ എഫ്‌ഐആര്‍ സമര്‍പ്പിച്ചു
വെട്ടുകത്തി കൊണ്ട് നെഞ്ചിന് ആഴത്തിൽ വെട്ടേറ്റ ജിഷ്ണു തിരുവനന്തപുരം മെഡിക്കൽ കോളജ് ഐസിയുവിൽ ചികിത്സയിലാണ്. അറസ്റ്റിലായ ജോണി നിരവധി കുത്തുകേസുകളിലെ പ്രതിയാണെന്ന് പൊലീസ് പറഞ്ഞു.
പേരൂർക്കട സിഐ വി. സൈജുനാഥ്, എസ്ഐ സന്ദീപ്, സിവിൽ പൊലീസ് ഉദ്യോഗസ്ഥർ എന്നിവർ ഉൾപ്പെട്ട സംഘമാണ് പ്രതിയെ പിടികൂടിയത്. അറസ്റ്റിലായ പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments