പടിഞ്ഞാറത്തറ: കാർ പലചരക്കു കടയിലേക്ക് പാഞ്ഞു കയറി പതിനാലുകാരന് പരിക്കേറ്റു. മണ്ടോക്കര റഫീക്കിന്റെ മകൻ മുഹമ്മദ് സിനാനാണ് പരിക്കേറ്റത്.
തിങ്കളാഴ്ച ഉച്ചക്ക് പടിഞ്ഞാറത്തറ ഞെർളേരി പള്ളിക്ക് സമീപം ആണ് അപകടം നടന്നത്. മകനെ കടയിൽ നിർത്തി റഫീക്ക് ഉച്ചക്ക് ഭക്ഷണം കഴിക്കാൻ പോയ നേരത്താണ് അപകടം നടന്നത്. നിയന്ത്രണം വിട്ട കാർ കടയിലേക്ക് ഇടിച്ചുകയറി സമീപത്തെ വീട്ടുമുറ്റത്ത് മറിയുകയായിരുന്നു. കടയുടെ മുൻഭാഗമടക്കം തകർന്നിട്ടുണ്ട്.
പടിഞ്ഞാറത്തറ സ്കൂളിലെ ഒമ്പതാം ക്ലാസ് വിദ്യാർത്ഥിയാണ് മുഹമ്മദ് സിനാൻ. വെള്ളമുണ്ട സ്വദേശികൾ സഞ്ചരിച്ച കാറാണ് അപകത്തിൽപ്പെട്ടത്. കാർ ഭാഗികമായി തകർന്നു.
അപകടത്തിൽ പരിക്കേറ്റ കുട്ടിയെ കൽപറ്റയിലെ സ്വകാര്യ ആശുപത്രിയിൽ പ്രവേശിപ്പിച്ചു.
Post Your Comments