എസ്.ഐമാരെ കുത്തിപ്പരിക്കേൽപിച്ച്​ രക്ഷപ്പെടാൻ ശ്രമം: പ്രതി പിടിയിൽ

തി​രു​വ​ന​ന്ത​പു​രം: ഹോ​ട്ട​ലു​ട​മ​യെ കു​ത്തി​യ​യാ​ളെ പി​ടി​ക്കാ​നെ​ത്തി​യ എ​സ്.​ഐ​മാ​രെ കു​ത്തി​പ്പ​രി​ക്കേ​ൽ​പി​ച്ച്​ രക്ഷപ്പെടാൻ ശ്ര​മി​ച്ച​യാൾ പൊലീസ് പിടിയിൽ. കൊ​ച്ചു​വേ​ളി സ്വ​ദേ​ശി കു​മാ​ർ എ​ന്ന ജാം​ഗോ കു​മാ​റി​നെ(40)​യാ​ണ് അറസ്റ്റ് ചെയ്തത്. വ​ലി​യ​തു​റ പൊ​ലീ​സ് ആണ് അ​റ​സ്റ്റ്​ ചെ​യ്ത​ത്. പൊ​ലീ​സ്​ മ​ൽ​പി​ടു​ത്ത​ത്തി​നൊ​ടു​വി​ൽ ആണ് ഇയാളെ കീ​ഴ​ട​ക്കിയത്.

കു​മാ​ർ കൊ​ച്ചു​വേ​ളി​യി​ൽ ഹോ​ട്ട​ൽ ന​ട​ത്തു​ന്ന ന​സീ​റി​ന്റെ ക​ട​യി​ലെ​ത്തി വ​യ​റ്റി​ൽ കു​ത്താ​ൻ ശ്ര​മി​ച്ചു. ഇ​ത് ത​ട​യാ​ൻ ശ്ര​മി​ക്കു​ന്ന​തി​നി​ടെ ന​സീ​റി​ന്റെ കൈ​യി​ലും ശ​രീ​ര​ത്തി​ന്റെ വി​വി​ധ ഭാ​ഗ​ങ്ങ​ളി​ലും കു​ത്തേ​റ്റു. ന​സീ​റി​ന്റെ നി​ല​വി​ളി കേ​ട്ട​തോ​ടെ ജീ​വ​ന​ക്കാ​രും നാ​ട്ടു​കാ​രും ഓ​ടി​യെ​ത്തി. ഇ​തോ​ടെ കു​മാ​ർ സം​ഭ​വ സ്ഥ​ല​ത്തു​നി​ന്ന്​ ര​ക്ഷ​പ്പെ​ട്ടു. ആ​ശു​പ​ത്രി​യി​ൽ ചി​കി​ൽ​സ തേ​ടി​യ ന​സീ​ർ വ​ലി​യ​തു​റ പൊ​ലീ​സി​ന് പ​രാ​തി ന​ൽ​കി.

Read Also : ബിവറേജ്‌സ് ഔട്ട്‌ലെറ്റിൽ മോഷണ ശ്രമം നടത്തിയ രണ്ട് പ​ശ്ചി​മ ബം​ഗാ​ള്‍ സ്വ​ദേ​ശി​കൾ പിടിയിൽ

വ​ലി​യ​തു​റ പ്രി​ൻ​സി​പ്പ​ൽ എ​സ്.​ഐ ഇ​ൻ​സ​മാം, എ​സ്.​ഐ അ​ജീ​ഷ്​​കു​മാ​ർ എ​ന്നി​വ​രു​ടെ നേ​തൃ​ത്വ​ത്തി​ലു​ള്ള പൊ​ലീ​സ് സം​ഘം സം​ഭ​വ​സ്ഥ​ല​​ത്തെ​ത്തി പ​രി​ശോ​ധി​ക്കു​ന്ന​തി​നി​ടെ കു​മാ​ർ അ​വി​ടെ എ​ത്തി. കാ​ര്യം തി​ര​ക്കു​ന്ന​തി​നി​ടെ കു​മാ​ർ എ​സ്.​ഐ ഇ​ൻ​സ​മാ​മി​നെ ത​ള്ളി വീ​ഴ്ത്തി. തുടർന്ന്, ത​ട​യാ​ൻ ശ്ര​മി​ച്ച എ​സ്.​ഐ അ​ജീ​ഷി​ന്‍റെ കൈ​ത്ത​ണ്ട​യി​ൽ ക​ടി​ച്ച് മു​റി​വേ​ൽ​പി​ച്ചു. ഇ​തി​നി​ടെ ശ​രീ​ര​ത്തി​ൽ ഒ​ളി​പ്പി​ച്ച ക​ത്തി​യെ​ടു​ത്ത് കു​മാ​ർ ര​ണ്ടു​പേ​രെ​യും കു​ത്തി​പ്പ​രി​ക്കേ​ൽ​പി​ച്ചു. ര​ക്ഷ​പ്പെ​ടാ​ൻ ശ്ര​മി​ച്ച കു​മാ​റി​നെ ദീ​ർ​ഘ​നേ​ര​ത്തെ മ​ൽ​പി​ടു​ത്ത​ത്തി​നൊ​ടു​വി​ലാ​ണ്​ എ​സ്.​ഐ​മാ​ർ കീ​ഴ്പ്പെ​ടു​ത്തി​യ​ത്. മ​ൽ​പി​ടു​ത്ത​ത്തി​ൽ പ​രി​ക്കേ​റ്റ പൊ​ലീ​സ് ഉ​ദ്യോ​ഗ​സ്ഥ​ർ ജ​ന​റ​ൽ ആ​ശു​പ​ത്രി​യി​ൽ ചി​കി​ത്സ തേ​ടി. പ​രി​ക്കേ​റ്റ കു​മാ​റി​നെ മെ​ഡി​ക്ക​ൽ കോ​ള​ജി​ൽ പ്ര​വേ​ശി​പ്പി​ച്ചു.

ന​ഗ​ര​ത്തി​ലെ വി​വി​ധ പൊ​ലീ​സ് സ്റ്റേ​ഷ​നു​ക​ളി​ൽ നി​ര​വ​ധി കേ​സു​ക​ളി​ൽ പ്ര​തി​യാ​ണ്​ കു​മാ​ർ. മൂ​ന്ന് ദി​വ​സം മു​മ്പാ​ണ് ജ​യി​ലി​ൽ​നി​ന്ന്​ പു​റ​ത്തി​റ​ങ്ങി​യ​ത്. ന​സീ​റി​നോ​ടു​ള്ള മു​ൻ​വൈ​ര്യാ​ഗ​മാ​ണ് ​ആ​ക്ര​മ​ണ​ത്തി​ന്​ പി​ന്നി​ലെ​ന്നാ​ണ്​ പ്രാ​ഥ​മി​ക നി​ഗ​മ​നം.