കോട്ടയം: സമരത്തിനിടയില്‍ തെറി വിളിച്ച സംഭവത്തില്‍ എസ്‌ഐക്കെതിരെ ഡിജിപിക്ക് പരാതി. ഗാന്ധിനഗര്‍ എസ് ഐ സുധി. ക സത്യപാലനെതിരെയാണ് ഡിജിപിക്ക് പരാതി നല്‍കിയിരിക്കുന്നത്. കെ എസ് യു മുന്‍ സംസ്ഥാന ജനറല്‍ സെക്രട്ടറി സുബിന്‍ മാത്യുവാണ് ഡിജിപിക്ക് പരാതി നല്‍കിയത്. ഇന്നലെ എം ജി സര്‍വകലാശാലയില്‍ നടന്ന സമരത്തിനിടെയാണ് സുധി കെ സത്യപാല്‍ സുബിന്‍ മാത്യുവിനെ തെറി വിളിച്ചത്.
Read Also: ക്ഷേത്ര ദർശനത്തിനെത്തിയ അഞ്ച് വയസ്സുകാരന് നേരേ പുലിയുടെ ആക്രമണം: തലയിലും കഴുത്തിലും പരിക്ക്
എംജി സര്‍വ്വകലാശാലയിലേക്കുള്ള പ്രതിഷേധ മാര്‍ച്ചിനിടെയായിരുന്നു എസ്‌ഐയുടെ തെറിവിളി. മുതിര്‍ന്ന പൊലീസ് ഉദ്യോഗസ്ഥരുള്‍പ്പെടെ സ്ഥലത്തുണ്ടായിരുന്നു. അതിനിടയിലാണ് സുധി കെ സത്യപാല്‍ അസഭ്യവര്‍ഷം നടത്തിയത്. ഇത് സമൂഹമാധ്യമങ്ങളിലുള്‍പ്പെടെ വൈറലാവുകയായിരുന്നു. പൊലീസ് ഉദ്യോഗസ്ഥനെതിരെ വിമര്‍ശനം ഉയരുകയും ചെയ്തു. ഇതിനെ തുടര്‍ന്നാണ് സുബിന്‍ മാത്യു പരാതിയുമായി രംഗത്തെത്തിയത്. ഇ-മെയില്‍ മുഖേനയാണ് പരാതി നല്‍കിയത്.
Post Your Comments