ഗാന്ധിനഗര്‍: കോട്ടയം മെഡിക്കല്‍ കോളജിലെ ജനറല്‍ സര്‍ജറി വിഭാഗത്തിലെ വനിതാ ഡോക്ടര്‍ക്കെതിരേ വധഭീഷണി മുഴക്കുകയും പീഡിപ്പിക്കുകയും ചെയ്യുമെന്ന് പറഞ്ഞ് ഭീഷണിപ്പെടുത്തുകയും ചെയ്ത കേസിലെ പ്രതി പൊലീസ് പിടിയിൽ. പത്തനംതിട്ട സീതക്കുഴിയില്‍ പുതുപ്പറമ്പില്‍ ബിനു പി. ജോണി(45)നെയാണ് പൊലീസ് പിടികൂടിയത്. ഗാന്ധിനഗര്‍ പൊലീസ് ആണ് പിടികൂടിയത്. കണ്ണൂരില്‍ നിന്നാണ് ഇയാളെ കസ്റ്റഡിയിലെടുത്തത്.
കഴിഞ്ഞ വെള്ളിയാഴ്ച രാത്രി 12.30-നാണ് സംഭവം. ഏറ്റുമാനൂര്‍ പൊലീസ് ആണ് ഇയാളെ മെഡിക്കല്‍ കോളജ് അത്യാഹിത വിഭാഗത്തില്‍ എത്തിച്ചത്. തട്ടുകടയിലുണ്ടായ അടിപിടിക്കേസില്‍ തലയ്ക്കു മുറിവുമായി എത്തിയ ഇയാള്‍ അക്രമാസക്തനായിരുന്നു.
Read Also : വീണ്ടും പറക്കാൻ വായ്പാ ദാതാക്കളോട് കോടികൾ ആവശ്യപ്പെട്ട് ഗോ ഫസ്റ്റ്, കൂടുതൽ വിവരങ്ങൾ അറിയാം
തുടര്‍ന്ന്, പ്രാഥമിക പരിശോധനയ്ക്ക്‌ ശേഷം നിരീക്ഷണ വിഭാഗത്തിലേയ്ക്ക് മാറ്റി. അല്പസമയത്തിനുശേഷം ഇയാള്‍ വനിതാ ഡോക്ടറുടെ സമീപമെത്തി പീഡിപ്പിച്ച ശേഷം കൊല്ലുമെന്ന് പറഞ്ഞു ഭീഷണിപ്പെടുത്തുകയായിരുന്നു. പിറ്റേന്നു രാവിലെ ഇയാള്‍ ആശുപത്രിയിൽ നിന്നു മുങ്ങുകയായിരുന്നു.
തുടർന്ന്, പൊലീസ് നടത്തിയ അന്വേഷണത്തിൽ പ്രതിയെ പിടികൂടുകയായിരുന്നു. പ്രതിയെ കോടതിയിൽ ഹാജരാക്കി.
Post Your Comments