കണ്ണൂര്‍: എസ്എഫ്ഐ സംസ്ഥാന സെക്രട്ടറി പി എം ആര്‍ഷോയെ നേരില്‍ കണ്ട് അഭിനന്ദിച്ചുവെന്ന് മന്ത്രി മുഹമ്മദ് റിയാസ്. കണ്ണൂര്‍ സര്‍വകലാശാല യൂണിയന്‍ തിരഞ്ഞെടുപ്പില്‍ എസ്എഫ്ഐ ജയിച്ചുവെന്നും കാര്‍മേഘങ്ങളുടെ ഘോഷയാത്രകള്‍ക്കിടയില്‍ നക്ഷത്രങ്ങള്‍ കെട്ടുപോകില്ല എന്നും മന്ത്രി പറഞ്ഞു.
‘കാര്‍മേഘങ്ങളുടെ ഘോഷയാത്രകള്‍ക്കിടയില്‍ നക്ഷത്രങ്ങള്‍ കെട്ടുപോകില്ല. കണ്ണൂര്‍ സര്‍വകലാശാല യൂണിയന്‍ തിരഞ്ഞെടുപ്പില്‍ എസ്എഫ്ഐ തൂത്തുവാരി. സഖാവ് ആര്‍ഷോയെ നേരില്‍ കണ്ടു, അഭിനന്ദിച്ചു. 16 ലക്ഷത്തോളം അംഗങ്ങളാണ് കേരളത്തില്‍ എസ്എഫ്‌ഐക്കുള്ളത്. ഇതില്‍ നല്ലൊരു ഭാഗം വിദ്യാര്‍ത്ഥികളും ഇടതുപക്ഷ രാഷ്ട്രീയ ആഭിമുഖ്യമില്ലാത്ത കുടുംബങ്ങളില്‍ നിന്നും വരുന്നവരാണ്. ഉയര്‍ത്തിപ്പിടിക്കുന്ന ശരിപക്ഷ നിലപാടുകളാണ് വിദ്യാര്‍ത്ഥികളുടെ ഹൃദയത്തില്‍ എസ്എഫ്‌ഐയെ അപരാജിതരായി നിലനിര്‍ത്തുന്നത്’ എന്ന് മുഹമ്മദ് റിയാസ് അവകാശപ്പെട്ടു.
Post Your Comments